Af iðjusömum Prince Philip

Því fer fjarri, að brezka konungs­fjölskyldan stundi iðjuleysi og einbert ráp með hunda sína og lúxus­ferða­lög. Her­tog­inn af Ed­in­borg verður nk. mið­viku­dag með sitt 22.220. op­in­bera verk­efni við skrúðgöngu kgl. her­flot­ans, "en hann starfaði sem sjó­liðsfor­ingi í síðari heims­styrj­öld." Hann hef­ur farið í 637 op­in­ber­ar ferðir er­lend­is og flutt 5.496 ræður, og geri aðrir betur! Hefur hann reyndar haft ærinn tíma til allrar sinnar iðjusemi fyrir brezka ríkið og þegna þess: er orðinn 96 ára gam­all and still going strong!

Tvisvar sá ég til hans í Englandi á námsárum mínum þar, við ´dinner in Hall´ í collegíi mínu, St John´s College, Cambridge, þar sem hann sat við háborðið og var sérstaklega kynntur og ávarpaður (en við nemendurnir við langborðin í salnum), og við heimsókn þeirra hjóna í St John´s College School, þar sem Andri stjúpsonur minn var nemandi.

Filippus prinz er sérlega vel gefinn maður og bráðfyndinn að auki.  Geta má þess, að hann er í beinan karllegg kominn af Kristjáni IX Danakonungi, þeim sem gaf okkur stjórnarskrána 1874. En í beinan móðurlegg er hann 4. ættliður frá Viktoríu drottningu og þannig frændi konu sinnar, hennar hátignar Elísabetar II. Því vísa ég nú á greinarkorn um Prince Philip, með ættartölu og skjaldarmerki, þar sem silfurlitan, flattan, en krýndan íslenzka saltfiskinn er m.a. að finna á rauðum fleti.

Tekið þátt í 22.219 opinberum verkefnum