Hver getur fellt sig við að alræðisríkið Saudi-Arabía fái að fjármagna moskur á Íslandi?

Ljót var afhjúpandi ITV-mynd í Sjónvarpinu í vikunni: Lífið í Saudi-Arabíu (Saudi Arabia Uncovered). Þvílík kúgun, ekki sízt á konum og fátækum, og lítilsvirðing við lífsréttinn! Þvílíkt trúar­ofstæki!

Skoðanakönnun fór fram um spurninguna: "Vilt þú að Saudi-Arabía fjármagni mosku í Sogamýri?" á vef Útvarps Sögu sl. sólarhring.

Niðurstaðan var áberandi eindregin: 94,68% sögðu NEI. 4,3% sögðu JÁ. 570 tóku þátt.

Íslendingar frábiðja sér að fá hingað Saudi-fjármagnaðar moskur og ímama!

Forseta Íslands, Ólafi Ragnari Grímssyni, brá mjög við þá fregn, að Saudi-Arabía lagði fram eina milljón dollara (þá um 120 millj. kr.) til moskunnar í Skógarhlíð (í Ýmis-húsinu, sem karlakórinn missti af vegna banka­krepp­unnar).

Hver einasti íslenzkur áhorfandi á þáttinn í Sjónvarpinu hlýtur að skilja Ólaf Ragnar. En Saudi-Arabía hefur ausið gríðarlegum fjármunum í trúboð og styrki við moskur í Evrópu, eins og fram kom í þættinum, og þar er boðuð sú öfgastefna sem kennd er við wahhabíta og er ríkjandi stjórnarstefna í Saudi-Arabíu. Hafa menn nú þegar áttað sig á því, hve hættuleg áhrifin geta verið af harðlínu-islamistískri stefnu í moskum í Evrópulöndum.

Hér þarf með sérstakri löggjöf að fyrirbyggja, að hingað berist spillandi olíupeningar frá ofstækisríki Saudanna.