Hrafnhildur geysist áfram í sundinu

Hrafnhildur Lúthersdóttir vann stærsta afrek íslenskrar sundkonu á Ólympíuleikum þegar ...

 

Hrafnhildur skvísa, leiftrandi lýsa

ljós þinna augna gleði.

Megirðu´ í nótt fara mikinn og skjótt ;

ég mína legg æru að veði,

að komistu´ á verðlaunabekkinn. Þú berð

með brosi af keppendum þínum

og fram úr þeim skýzt, ég veit það jú víst :

þú vonunum bregzt ekki mínum !

 

Hrafnhildur hreppti 6. sætið í 100 m á Ólympíuleikunum í Rio de Janeiro. Um þann árangur orti ég:

  • Sjötta bezt í heimi hér
  • er Hrafnhildur, sem Lúther á
  • með kvinnu sinni -- sýnist mér
  • á sundi bæði fleyg og kná
  • og brosir eins og borgað sé
  • í billjónum í reiðufé!

Eftir það sund lét hún þau orð falla, að þá væri af og frá að hún hætti við að halda áfram sundferlinum. Ég vitnaði til þeirra orða hennar í næstu vísu, um leið og ég óskaði henni sigurs í 200 metra baksundinu, sem fór svo fram um fimmleytið í dag að íslenzkum tíma.

  • "Af og frá ég hætti hér!"
  • hermir kempan sigurviss.
  • Gullið slíkri glæstri ber,
  • gefist brátt að verði Miss
  • World á sínu sviði, já,
  • sunddrottning svo verði þá!

En í bili varð hún fjórða af átta keppendum í því sundi í dag og nær þess vegna, sem sú tíunda af 24 konum í þremur rásaflokkum, í undanúrslitin í nótt, nokkru eftir kl. 2 að okkar tíma. Hún var 1,47 sekúndum undir sínu Íslandsmeti í dag (sem er 2:22,72 mín­út­ur), þannig að hún á enn mjög góða möguleika í keppninni í nótt.

Rætt er við foreldra Hrafnhildar, Lúther Sigurðsson og Ingibjörgu Ragnarsdóttur, á líflegu myndbandi með þessari frétt á Ruv.is.

Ólymp­íu­leik­arn­ir í Ríó

Hrafnhildur Lúthersdóttir.

Á meiri orku inni í kvöld


mbl.is Hrafnhildur aftur í undanúrslit
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Jón Valur Jensson

Þótt Hrafnhildur hafi ekki náð inn á verðlaunapallinn í fyrrinótt, hefur hún tímann fyrir sér á næstu árum, og ég heiti á hana að bregðast ekki vonum okkar! smile

En Eygló Gústafsdóttir varð þriðja í sínum riðli í 200 m baksundi kvenna í Ríó í nótt og í 7. sæti í heild og sló bæði Íslands- og Norðurlandamet, synti á 2:08,84 mín­út­um í þessum undanúr­slit­um, bætti sitt eigið Íslands- og Norður­landa­met um 20 sek­úndu­brot, sjá hér frétt Sindra Sindrasonar:

Eygló synd­ir til úr­slita

Eygló Ósk Gústafsdóttir á ferðinni í Ólympíusundlauginni í Ríó.

Eygló Ósk Gúst­afs­dótt­ir á ferðinni í Ólymp­íu­sund­laug­inni í Ríó. AFP

Jón Valur Jensson, 12.8.2016 kl. 05:13

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband