Rosti Óvitaflokksins á eftir að lækka

Flestir, sem segjast myndu kjósa hann, hafa ekki hugmynd um, hverjir yrðu á framboðslistanum, þetta eru allt einhver nobodies! Vitrænni eru Vestfirðingar og aðrir í NV-kjördæmi að setja ekki Pírata efsta. Þar fær Framsóknarflokkurinn mestan stuðning (28%) í þessari Gallupkönnun, en óvitarnir jafnir sjálfstæðismönnum með 20%, sbr. hér: http://ruv.is/frett/staerstir-i-fimm-kjordaemum-af-sex

Greinilegt er, að ekkert verður byggt á slíkri skoðanakönnun svo löngu fyrir kosningar um fylgi óvitaflokks með óþekkta frambjóðendur. En ugglaust er þetta þó merki þess, að gamli Fjórflokkurinn nær ekki lengur að ráði til yngra fólksins og að menn séu orðnir býsna þreyttir á honum eða trúin á flokk óvíða lengur til staðar. 

Það gerir það þó engan veginn vitrænt að styðja flokk sem er reiðubúinn að svíkja þjóðarviljann og borgarbúa í flugvallarmálinu og er jafn fyrirhyggjulaus og skaðsamlegur í viðskiptabanns-málinu og allir hinir þingflokkarnir þverir og endilangir.

„Viljum helst ekki þurfa að vera til“

Athugasemdir

[Guðmundur Ásgeirsson, 2.9.2015 kl. 15:37]

Kjósendur hafa ekki heldur hugmynd um hverjir verði á framboðslistum annarra flokka, eða hvaða nobodies það verða.

Ummæli þín um óvitaskap sem eru byggð á augljósum þekkingarskorti, hljóta að dæma sig sjálf sem... óvitaskapur.

[Sigfús Ómar Höskuldsson, 2.9.2015 kl. 16:44]

Þau helstu svik sem ég man eftir eru svikin loforð núverandi Forsætis- og fjármálaráðherra um að þjóðin fengi að kjósa um áframhaldandi viðræður um inngöngu í ESB. Það er alvöru loforð svikið bigtime. þar eru 53.000 manns á bak við þá áskorun. Það er e-ð .....

[Jón Valur Jensson, 2.9.2015 kl. 23:24]

Nei, Guðmundur, ég hef ágætis vit á Pírataflokknum, sem mér þótti að undangenginni athugun og fenginni reynslu full ástæða til að kalla Óvitaflokkinn. Hef ég alloft bloggað um stefnumál þessa flokks (m.a. um fíkniefnamál, flugvallarmál, guðlast og nafnalög) og reagerað við óviturlega framsettri stefnu hans og brauðfóta-röksemdum. Gert hef ég það á aðalbloggi mínu á blog.is, sennilega einnig hér á jvj.blogginu, en ennfremur neyðzt til þess nokkrum sinnum á Krist.blog.is, sbr. hér:  http://blog.is/forsida/leit/?author_id=8899&query=P%EDratar

Svo er það rangt hjá þér, að menn viti ekki nokkurn veginn, að hverju þeir ganga hjá hinum flokkunum um nokkra efstu menn á hverjum lista, enda tefla þeir sjaldnast fram neinum nobodies.

[Jón Valur Jensson, 2.9.2015 kl. 23:26]

Undanskilin er þar að vísu Björt framtíð!

[Jóhann Kristinsson, 2.9.2015 kl. 23:45]

Það var auðvitað aldrei nein loforð frá forsætisráðherra að setja í þjóðaratkvæði hvort það ætti að hætta eða halda áfram ESB viðræðum, þetta er eitthvað sem Árni Páll bjó til.

Hitt er aftur annað mál að forsætisráðherra lofaði að afnema verðtrygginguna og það hefur hann ekki gert til dagsins í dag.

Kveðja frá Houston

[Jón Valur Jensson, 2.9.2015 kl. 23:54]

Sigfús Ómar vill hér láta taka mark á 53.000 manna undirskriftasöfnun, en minnist ekki einu orði á það ranglæti Pírata (borgarfulltrúans Halldórs Auðar Svanssonar) að fara ekkert eftir eigin orðum um íbúalýðræði og samráð við almenning um flugvallarmálið, þótt þar sé við 70.000 manna undirskriftasöfnun að styðjast.

Rangt hafa menn túlkað orð nefndra tveggja ráðherra, sem ESB-sinnaðir útvarpsmenn reyndu að hrekja út í horn fyrir kosningarnar 2013 til að fá þá til að gefa eitthvað annað í skyn um stefnu sína en nýafstaðin flokksþing þeirra höfðu þá samþykkt. Sjálfstæðisflokkurinn talaði t.d. alls ekki á sínum landsfundi 2013 um að hafa þjóðaratkvæðagreiðslu bráðlega um ESB-málið, heldur að hætta við umsóknina (hans Össurar, enda að mínu rökstudda áliti bert stjórnarskrárbrot hans og annarra Jóhönnustjórnar-ráðherra); ef hins vegar ákveðið yrði síðar að sækja aftur um inntöku í Evrópusambanið, þá skyldi það því aðeins gert (skv. landsfundi), að þjóðin reyndist sammála slíkri umsókn í þjóðaratkvæðagreiðslu.

Vinstri-útvarps- og sjónvarpsmenn, að ógleymdu Fréttablaðinu, hömuðust í  Bjarna og Sigmundi í fyrra og allt fram undir sl. vor vegna meintra "svika" þeirra við kjósendur, þótt ljóst væri, að þeim bar skylda til að fylgja þeirri stefnu sem flokksþing þeirra höfðu kynnt þjóðinni stuttu fyrir kosningarnar 2013.

Ekki hömuðust sömu fjölmiðlamenn með þessum ósvífna hætti á Steingrími J. Sigfússyni, sem sveik sína kjósendur greypilega í ESB-málinu vorið 2009, þegar hann lét sem VG væri flokka harðastur gegn ESB-aðild og að ekki kæmi til greina að sækja um -- þetta gerði hann opinberlega í kosningaþætti kvöldið fyir kosningarnar þrátt fyrir ALGERAR VANEFNDIR síðar! Ekki var verið að vitna til þeirra orða hans á Rúvi hinna ESB-hneigðu eftir að í ljós kom, að Steingrímsliðið sveik þetta allt saman með því að taka þátt í umsókn Össurar- og Jóhönnuliðsins sumarið 2009 --- hvað þá heldur, að Rúvið og 365 fjölmiðlar væru að endurtaka þau ummæli hans endalaust í marga mánuði og meira en ár, eins og þeir gerðu hins vegar við ummæli Bjarna og Sigmundar, úr samhengi tekin, fjórum árum seinna!

[Guðmundur Ásgeirsson, 3.9.2015 kl. 00:50]

Jón Valur. Spyrjum að leikslokum. Eigðu góðar stundir þangað til sem ævinlega.