Magnús Geir Þórðarson ráðinn útvarpsstjóri

Til hamingju, Magnús Geir! Sannarlega er þetta mikið ábyrgðarstarf og mikils vert að fá að því hæfan mann sem sýnt hefur mikinn árangur í störfum.

Ríkisútvarpið býr yfir miklum menningarlegum sjóðum eftir sín rúm 80 ár og engin þörf að glata neinu af því, en umfang fyrirtækisins hefur bólgnað út og margir þar á háum launum, en það eru oft slíkir sem verða að upplifa það síðar á ferlinum, að hagræðingarhnífurinn lendi á þeim í óhjákvæmilegum samdrætti. Ég spái framhaldi á uppsögnum eða styttri vinnutíma sumra og skertum sporslum, en að Magnús Geir getið unnið farsællega, af ferskleik og þrótti fyrir þessa stofnun í samvinnu við mennta- og menningarmálaráðherrann.

Þá verður ennfremur að gera skipulega könnun á margendurteknum tilefnum kvartana vegna misgóðrar gæzlu Fréttastofu Rúv á því hlutverki sínu að gæta óhlutdrægni og viðeigandi hlutlægni. 

Magnús Geir ráðinn útvarpsstjóri

Athugasemdir

[Jón Kristján Þorvarðarson, 27.1.2014 kl. 02:06]

Unnið í samvinnu við menntamálaráðherrann?? Ég veit ekki betur en að útvarpsstjóri starfi beint undir stjórn RUV sem kosin er af Alþingi.

[Jón Valur Jensson, 27.1.2014 kl. 12:05]

En þetta er á sviði mennta- og menningarmála, nafni. Hann hefur miklu meiri aðkomu að stofnuninni en einstakir þingmenn.