Sá loðni fekk þrjú nöfn

Nýfæddur prinzinn fekk nafnið Georg Alexander Loðvík – Loðvík af því að hann er svo loðinn um höfuðið og lófana, Georg af því að langamma hans er Elísabet Georgsdóttir, Alexander af því að hann ætlar að leggja undir sig heiminn, ákvað það strax í vöggu þegar hann sá allt þetta stúss út af engu. "Uss, kóngur í Bretlandi og sex ríkjum öðrum, það nægir mér ekki," kvað hann.

En rangt er með það farið í fréttinni á Mbl.is – eins og reyndar í fjölmörgum sjónvarpsþáttum hérlendis líka, þegar reynt er að þýða orðið "Highness – að hann beri titilinn „hans konunglega hátign prinsinn af Cambridge“. Prinz er hann vitaskuld með zetu, en það, sem alvarlegra er, er að engin er hátignin nema ein í Bretlandi, það er drottningin sjálf, Her Majesty.

His/Her Royal Highness (sem kemst næst hátigninni) = hans/hennar konunglega tign, svo að rétt sé nú rétt nú og framvegis. Smellið annars til gamans á vefslóðina 'Konungakyn; háaðall' hér neðar.

Prinsinn hefur fengið nafn

Sigríður Ingibjörg Ingadóttir finnur sína réttu hillu eftir mátuleg verðlaun fyrir alla sína pólitík

Sigríður Ingibjörg Ingadóttir hefur gefið kost á sér í fegurðarsamkeppnina Ungfrú Ísland. Munu Guðrún Jónsdóttir, forstöðumaður Stígamóta, og Hildur Lilliendahl veita henni harða samkeppni. Sigríður var mjög spennt fyrir þessu, þegar blaðamaður Monitors náði af henni tali: „Vona að ég komist í keppnina. Ég þarf að byggja upp sjálfstraustið eftir kosningaósigurinn!“

Mikið væri nú gaman ef fleiri Samfylkingarmenn gætu tekið sér þetta til fyrirmyndar. Þannig gæti Ólína Þorvarðardóttir reynt að verða Íslandsmeistari í sjóstangaveiði hákarla og Mörður Árnason reynt að byrja "from scratch" í þættinum Orð skulu standa.

Þingkona í Ungfrú Ísland

Skinhelgi

Þvílíkur yfirdrepsskapur að reka sjónvarpsfréttakonu vegna saklausra mismæla, sem hún leiðrétti jafnóðum! Það er eins gott að stjórnendur þar séu jafnóflekkaðir og sléttmálgir og þeir vilja hafa starfsmenn sína.

Rekin eftir að hafa sagt „kynlíf“