Hve lengi enn ætla forvígismenn Pírata að óvirða vilja sinna kjósenda í flugvallarmálinu?

Fleiri stuðningsmenn Pírata eru hlynnt­ir flugvellinum í Vatnsmýri heldur en and­víg­ir, skv. nýrri skoðanakönnun Maskínu.* Það hefur þá ekki breytzt frá fyrri könnun, að grasrót Pírata er andvíg stefnu síns flokks í málinu! Jafnvel 62,5% stuðningsmanna Pírata sögðust aðspurðir í skoðanakönnun MMR, birtri 3.5. 2015 (sjá HÉR), vera á því máli að láta neyðarbraut flugvallarins í friði. En forysta Pírata lætur á sér standa, segir ekkert við sífelldum yfirgangi Dags B. og stuðningsmanna hans (þ.m.t. píratans Halldórs!) í þessu flugvallarmáli. Hver var að tala um valdapólitík annarra og samráð við kjósendur?

* (Birt í dag, 3.2. 2016.) Það sama á við um stuðningsmenn Vinstri grænna: fleiri þar sem styðja Reykjavíkurflugvöll en hinir sem vilja hann ekki í Vatnsmýri. Á vefsíðu sinni gefur Maskína ekki upp, hverjar prósenturnar eru um aðspurða stuðningsmenn þessara tveggja flokka, þ.e. nákvæmlega um afstöðu þeirra í málinu.

Stuðningur við flugvöllinn minnkar

Umhverfisráðuneytið tók fölsk gögn með í ferð 40 skýjaglópa á loftslagsráðstefnu!

Glæsileg var Fréttablaðsgrein Sigríðar Á. Andersen við upphaf lofts­lags­ráðstefnu í París. Sérfóðan hefur hún ráðgjafa, eig­in­manninn Glúm Jón Björnsson efnafræðing. Gjör­sam­lega tók hún umhverfis­ráðfrúna og meinta stefnu okkar Íslendinga í þessum málum á beinið og í bakaríið, þar sem ráðuneytismenn létu sér detta í hug það barnalega blöff að segja losun frá framræstu landi hérlendis vera NÚLL, ekki neina! Og er hún þó 72% af heildarlosun gróðurhúsalofttegunda hér á landi !!! 

Aldrei hef ég vitað aðra eins bjálfalega erindisleysu eins og þá sem þessi 40 manna hálauna-sendinefnd fór í til Parísar, með sínar upplognu forsendur til að geta haldið áfram að herja á þegar ofskattaða bílaeigendur með meiri sköttum! Er þó hlutur fólksbíla í heildarlosun gróðurhúsalofttegunda hérlendis ekki nema tæp 4% -- innan við 1/18 af því sem framræsla votlendis hefur í för með sér á hverju ári sem líður án aðgerða!  

Og gaman er að rúsínunni í pylsuendanum í skoti Sigríðar á þennan ofvaxna, dýrkeypta dagpeninga-eyðsluhóp, eftir að hún hafði skýrt vísindalega það sem bjó á bak við þessi 72% : "Hér er því um að ræða beina losun gróður­húsa­lofttegunda, rétt eins og þegar steinolíu er brennt í þotu með gesti á leið á loftslagsráðstefnu"! 

„Við finnum lausn á vandanum“

Glæpur ársins?

Skozkir ferðalangar munu hafa ekið utan vega og "stol­izt 12 km leið upp á mitt Holu­hraun," á svæði sem akstur sé bannaður um, "á lokuðu svæði. Þetta falli und­ir lög um nátt­úru­vernd" o.s.frv.

Ég spyr nú bara: Hvað með það, að þeir keyri upp á steindautt og harðnað hraun?! Jú, vissulega gæti það orðið þeim skeinuhætt, ef þeir lenda í eitruðu gasi. En reynið ekki að telja mér trú um, að þetta skipti náttúruna neinu máli.

Gáfu sig fram við lögreglu

Sif Sigmarsdóttir er ekki réttlætisgyðjan endurborin

Sorglega groddaleg var árás Sifjar Sigmarsdóttur í Fréttablaðinu í dag á framsóknarmenn öðrum fremur, vegna flugvallarmálsins, þar sem hún segir frumvarp þeirra "lið í valdafylleríi sem farið er úr böndunum." Ekki munu margir átta sig á þessu, sem þekkja hinn ljúfa og sanngjarna mann Höskuld Þórhallsson, sem talaði af hógværð og með rökum fyrir máli sínu í Kastljósi í gær.

En hin stórláta Sif, sem viðraði þarna dómhörku sína ekki í fyrsta skipti í boði þessa blaðs á leiðaraopnu þess (hver er ekki minnugur árásar hennar á valmennið Ævar Jóhannesson?), fær ekki dulið tapsára gremju sína, er hún skvettir þessu úr koppi sínum yfir framsóknarmenn:

• "Flokkurinn er eins og hópur af unglingum sem komst í vínskápinn þegar pabbi og mamma voru ekki heima og kann ekki með veigarnar að fara. Framsóknarmönnum nægir ekki að æla yfir heilu sætaraðirnar í flugvélum heldur verða landsmenn allir nú fyrir spýju geðþóttaákvarðana þeirra og frekju, valdhroka sem stiginn er þeim til höfuðs í bókstaflegri merkingu í formi dópamíns."

Ekki vantar sjálfsupphafningu dómarans í þessi orð hennar. En henni láðist að geta þess, að 73% Reykvíkinga og 82% landsmanna vilja Reykjavíkurflugvöll áfram þar sem hann er, í skoðanakönnun, sömuleiðis stærsta undirskriftasöfnun sögunnar (tæp 70.000 manna), og enn einu sinni staðfestist þetta í næstnýjustu skoðanakönnun, þar sem 74,1% íbúa höfuðborgarsvæðisins segjast andvíg því að neyðarbrautinni á Reykjavíkurflugvelli verði lokað!

Þetta minnir mig á ágæt orð eftir skáldið mikla Robert Herrick:

• Laws
• When laws´ full power have to sway, we see
• little or no part there of tyranny.
• (Hesperides, the poems and other remains, Lond. 1869, I, 228, hér með nútímastafsetningu.)

Það er sem sé enginn "valdhroki" né harðstjórn (tyranny) fólgin í lagafrumvarpi, sem nær ekki aðeins meirihlutastuðningi almennings,* heldur einnig sjálfs löggjafarþingsins, hvað sem þessi Sif segir í orðagjálfri sínu.

* Sbr. líka glænýja könnun á vefnum utvarpsaga.is: "Vilt þú að skipulagsvald Reykjavíkurborgar í flugvallarmálinu verði flutt til ríkisins?" Þar sögðu 430 JÁ (83,77%), aðeins 77 sögðu nei (15%) -- nánar  HÉR!

Hjálmlausi Hjálmar

Ég held því fram, að höfuðástæða þess, að virðulegur yfirmaður skipulagsmála borgarinnar vill alls staðar hafa sérstaka hjólastíga og það báðum megin gatna, sé hin alræmda kattahræðsla hans, þ.e.a.s. Hjálmars Sveinssonar borgarfulltrúa, sem óttast fressketti meira en nokkuð annað í lífinu síðan hann var bara pínulítill.

Versta martröð Hjálmars er þegar fressköttur skýzt fram úr húsasundi í veg fyrir hjólið hans. Því er ort: 

 

Hjálmlausi Hjálmar

í Höfðatún skálmar

og hjólar ... á stundum.

Honum þó tálmar

högni sem mjálmar

og hvæsir ... úr sundum!

 

 

Hjálmar hjálmlaus á hjólinu

Píratar hæstir - heyr á endemi !

Ekki ber það vitni um stjórnmálaþroska að menn kjósi helzt Pírata! Málefni þeirra eru glötuð: strákar megi heita stelpunöfnum, opnað fyrir fíkniefnum, Guðlast talið efla mannréttindi o.fl. af þessu vitlausa tagi, auk þess sem Píratar eru samsekir hinum vinstri flokkunum um fávíslega stjórn Reykjavíkurborgar í m.a. samgöngumálum: viðhald gatna vanrækt, en hundruðum milljóna kastað í þarflausar og jafnvel hættulegar þrengingar gatna. Þá eru Píratar sennilega hlynntir því fyrirhugaða ódæðisverki að setja forljótt grjót (gríðarbjarg) á lóðina framan við Safnahúsið gamla (Þjóðmenningarhús), þeim finnst það smekklegra en sjálfsmynd Thorvaldsens! Og eins og ég hef áður vakið athygli á, vilja þingmenn Pírata ekki virða höfundarrétt listamanna og rithöfunda, og er það enn eitt dæmið um ábyrgðarleysi þessa þingflokks, ódýrar kosningabeitur og virðingarleysi fyrir mannréttindum.

Ég skilaði áliti til Alþingis um frumvarp píratanna þriggja um afnám hinna vægu refsiákvæða hegningar­laganna vegna Guðlasts. Var ég kallaður fyrir mennta- og allsherjarnefnd til að ræða frekar rök mín í málinu, og varð ég að segja nefndinni alveg eins og var, að lakar rökstutt lagafrumvarp minntist ég þess ekki að hafa nokkurn tímann séð. (Væntanlega skrifa ég um þetta nánar á öðrum vettvangi.)

Hjá Páli Vilhjálmssyni átti ég innlegg vegna flugvallarmálsins:

Nú er þessi ungi og lítt reyndi flokkur Pírata farinn að ná til ótrúlega margra, sem ímynda sér, án þess að hafa kynnt sér málin, að þessi flokkur fylgi lýðræði og vilji láta fólkið ráða, en 82% Íslendinga vilja halda í Reykjavíkurflugvöll, ólíkt Pírötum, sem vilja taka þátt í því með Gnarr, Degi B. og VG að eyðileggja flugvöllinn. Jafnvel 73% Reykvíkinga vilja halda honum, en hvað varðar "lýðræðismennina" í Pírötum um það?!

Og Píratar voga sér að vitna í undirskriftasöfnun öfugmælasamtaka ("Já Ísland") í fyrra þar sem 53.555 manns vildu að utanríkisráðherrann hætti við að leggja fram þingsályktunartillöguna um að draga til baka Evrópusambands-umsóknina. Þessi 53.555 eru reyndar ekki nema rúm 23% kjósenda á kjörskrá (voru 227.843 árinu áður, 27. apríl 2013). En þessum sömu Pírötum stendur alveg nákvæmlega á sama um undirskriftasöfnun flugvallarvina, sem náðu hátt í 70.000 undirskriftum til varnar Reykjavíkurflugvelli.

Þetta segir mikið um Píratanna "lýðræðisást"!

Hér ritaði ég áður þennan pistil, sem of fáir komust í að lesa:

Píratar - valkostur vegvilltra?

Ég lít nánast á það sem nokkurs konar bilun að sumir ætli sér að kjósa Pírata, flokk sem mælir t.d. með refsileysi fyrir kókaíninnflutning (sjá HÉR!) – og rövlar yfir því að brotið sé gegn friðhelgi persónu­upplýsinga óprúttinna hælisleitenda, sem eyðileggja vegabéf sín og eru með uppsteyt við yfirvöld hér og við vitum allt of lítið hverjir eru (hve gamlir, hvað þeir heita, frá hvaða landi og hvaða samtökum þeir tilheyra etc.), og samt eru Píratar helzti "flokkurinn" sem styður Wikileaks sem ryðst inn í gagnabanka í massavís um heiminn þveran og endilangan!

„Ertu ekki að grínast“

Útrás vegna vinstri villinga borgarstjórnar

Á tæpl. tveimur og hálfu ári eða 880 dögum fóru aðeins 16,8 millj. í ferðalög forsetans til að halda sambandi við erlend ríki og fulltrúa þeirra. En dogmatíski anti-bílisminn kostaði NÍU SINNUM hærri upphæð vegna Hofsvallagötu einnar saman (og enn eftir að eyða þar meira, hafa þeir sagt, enda er gatan líka orðin ömurleg) og örugglega margfalt það breytingarnar á Borgartúni (skoðið þær bara!), og síðan var það Hverfisgatan, margra missera verk upp á hvað? –– milljarð eða meira? –– og loks (vonandi "loks") ætla þeir að kasta 200 milljónum í að þrengja Grensásveg, svo að örugglega sé nú hægt að hægja á sjúkrabílum sem þurfa að flýta sér á bráðamóttökuna í Fossvogi! Það eru líka BÍLAR, ekki aftanívagnar með hjólhestum!

Niður með þessa borgarstjórn, sem ætlar svo að toppa sína eigin afdalamennsku með því að leggja niður Reykjavíkurflugvöll –– og sú var einmitt stefna Jóns Gnarr, sem sumir fáráðar vilja fá sem forseta Íslands! –––> http://www.dv.is/frettir/2013/10/3/thessi-flugvollur-tharf-ad-fara/

Ætli þetta lymskulið fari þá ekki að berjast fyrir því "í sparnaðarskyni" að fá hinn guðlausa Gnarr sem forseta í stað þess "eyðslusama"??! –– Og dokum við, hvar eru allar ódýru íbúðirnar hans Dags B.? Ég er með bækling hér frá honum, sendan út fyrir kosningarnar. Þar stendur framan á stórum stöfum:

"Húsnæði á viðráðanlegu verði
Léttum barnafjölskyldum lífið
Eflum innra starfið í skólum
Borg þar sem gott er að eldast
Lífsgæði í grænni borg
XS Reykjavík"

Eru þau kannski að "létta barnafjölskyldum lífið" með því að láta þær borga meira í skólamáltíðum?* ("Hvað er að þér, Jón, þau þurfa að klípa 28 milljónir af krökkunum til að kasta þeim peningum í áframhaldandi skemmdarverk á gatnakerfinu, maður, skilurðu ekki neitt?!") –– En hafa þau opnað eina einustu þjónustuíbúð fyrir aldraða? –– og hvar er þetta "húsnæði á viðráðanlegu verði"? Á að byggja það ofan á 20 metra leirjarðveg í Vatnsmýrinni? Verða það ekki einmitt íbúðir á óviðráðanlegu verði fyrir ungt fólk?

Það kemur að því, að reynslan af þessu vinstra liði verður svo auðsæ, að fæstir kjósa það lengur. En verða þau þá búin að rústa flugvellinum? Ekki að vilja fólksins í landinu, en kannski ef leiðtogar B & D eru punglausir menn sem þora ekki að beita lögbanni þar sem það á þó bersýnilega við!

* Sjá http://www.ruv.is/frett/28-m-nidurskurdur-i-motuneytum-grunnskola

Guðfinna Jóhanna um lakasta stóra sveitarfélagið skv. þjónustukönnun

Hún er klár stjórnmálakona hún Guðfinna Jóhanna hjá Framsókn og flugvallarvinum og t.d. miklu virkari í skrifum en ýmsir Samfylkingar-borgarfulltrúar eins og sú sem úthúðaði orþódoxu kirkjunni á Íslandi með ótrúlega grófum hætti, en komst upp með það, þótt upp um hana hafi komizt!

Guðfinna ritar:

Hvað gerir Reykvíkinga hamingjusama?

Er fólk hamingjusamt yfir fækkun bílastæða, þrengingu gatna, þéttingu byggðar í ljósi þess að samkvæmt þjónustukönnun eftir hverfum borgarinnar eru íbúar miðborgarinnar óánægðastir af öllum íbúum borgarinnar með skipulagsmálin, svik á stærsta kosningaloforði VG um gjaldfrjálsa leikskóla, hækkun þjónustugjalda, tæplega 1000 manna biðlista eftir félagslegum leiguíbúðum, samráðsleysi, sameiningu skóla, ferðaþjónustu fatlaðra, mötuneytismál í skólum, skúrabyggingar við skólahúsnæði, viðhaldsleysi skólabygginga, holóttar götur, flugvallarmálið eða kannski að vera í síðasta sæti í þjónustukönnun 19 stærstu sveitarfélaga landsins?

Reykvíkingar ættu kannski að geta fengið svör við einhverju af þessum spurningum á Kjarvalsstöðum kl. 20 í kvöld en þar mun Hjálmar Sveinsson, formaður umhverfis- og skipulagsráðs, ásamt fleirum leitast við að svara spurningum eins og hvað þarf til að bæta skilyrði hamingju í borg, er það hagstæður ferðatími, umbreyting bílamenningar yfir í aðra samgöngumáta ...

Nánar á http://blog.pressan.is/gudfinnajohanna/ þar sem líka má finna fleiri greinar eftir þessa vel menntuðu og vel máli förnu konu, sem ég greiddi mitt atkvæði í borgarstjórnarkosningunum sl. vor.

Landeyjahöfn átti að vera vestar, við Sigluvík

Það var þvílík verkfræðileg vitleysa að stofna til Landeyjahafnar. Hún fyllist jafnóðum af sandi! Það var ekkert farið eftir staðkunnugum. 1,1 milljarður farinn í súginn bara við þá sanddælingu sem þurft hefur að fara þarna fram frá miðju ári 2010. 

Útreikningar verkfræðinganna voru SVO skakkir, að 8–10 sinnum meira af sandi hefur þurft að dæla út úr Landeyjahöfn en ráð var fyrr gert í byrjun!

Í Vestur-Landeyjum hefði aftur á móti verið mun minni sandburður, við Sigluvík, eins og menn kunnugir þeim lendingarstað þekktu til, enda langtum lengra frá sandburði Markarfljóts.

Þetta er hneisa fyrir Vegagerðina og Siglingamálastofnun, peningasuga frá skattgreiðendum og eilíf óþægindi fyrir Vestmannaeyinga, því að í reynd "hef­ur þurft að beina yfir 1.100 ferðum Herjólfs til Þor­láks­hafn­ar [frá 2010], þar sem ekki hef­ur verið mögu­legt að sigla til Land­eyja­hafn­ar. Ástandið hef­ur verið lang­verst yfir vetr­ar­tím­ann" (Mbl.is).

Þá hefði jarðganga-lausn Árna Johnsen borgað sig betur til langs tíma – og sparað okkur Herjólf um leið.

Miklar grynningar í Landeyjahöfn

NAGLAR!

Óskaplega er þreytandi að hlusta á alla þessa skíthræddu bílstjóra aka um borgina á sínum hávaðasömu NÖGLUM! Óvíða er frið að fá þegar gengið er um borgina. Vart hefur snjóað nema örlítið tvisvar á þessum u.þ.b. 40 dögum sem liðnir eru eftir að margir fóru á sín nagladekk. Svo er ómældur kostnaður af því sliti sem hlýzt af þessu á götum borgarinnar, og sá kostnaður fellur á okkur öll. Í verðlaun fyrir það fáum við svo svifryk í lungun ...