Enginn áhugi á tafa- og mengunargjöldum í Reykjavík!

Spurt var á vef Útvarps Sögu: 

Ertu sátt/ur við innleiðingu tafa- og mengunargjalda í Reykjavík?

Nei sögðu 92,92%

 

Já sögðu 6,37%

 

Aðrir (innan við 1%) hlutlausir.

 

Vinstri-borgarstjórnin er seinheppin með lausnir í samgöngumálum, sem mæti skilningi, hvað þá fögnuði borgarbúa!

 

Reykhólahreppur á að gefa eftir fyrir hagsmunum Vestfirðinga

Teitsskógur, vaxinn kjarri, á ekki að vega þyngra en brýn nauð­syn Vest­firð­inga á samgöngu­bót. Endur­nýja þarf þjóðveginn með sem hag­kvæm­ustum hætti og stytta ferða­tíma. Eitt sveitar­félag á ekki að sitja yfir hlut annarra mun fólks­fleiri. Gefi Reyk­hóla­hreppur ekki eftir, má þá alltaf reyna löggjöf um málið.

Biðla til sveitarstjórnar Reykhólahrepps

Sjálfsagt mál að menn borgi fyrir sig!

Hundraðkall er ekki neitt neitt. Mér þykir sjálf­sagt, að þeir ferða­manna- og veit­inga­staðir, sem mikið mæðir á, komi upp ein­földu tæki utan á kló­sett­klef­um, þar sem menn borga fyrir notk­unina. Ekki er hægt að ætlast til að þessir staðir gefi hundruð kíló­metra af klósett­pappír árlega, auk manna­halds­ins við þrif þar og endur­nýjun -- eða vilja menn frekar, að þrifin mæti afgangi?

Svona græjur utan á klósett­klefum var maður farinn að sjá í Bret­landi og á megin­landinu fyrir ára­tugum! Af hverju eru Íslend­ingar stundum svona tregir til að finna upp hjólið?

Rukka fyrir aðgang að salernum hjá N1

Veruleikans mynd?

 Úr hjólreiðaferð eftir ljósaskipti ... 

 

Þú rennur áfram hjóls á fráum fáki,

unz fram undan hin dimma brautin er,

og þar þú greinir þann, sem líkur stráki

þreyttum utan vegar bíður hér,

unz sérðu loks það skýrt, sem blekking skáki :

að skuggi var hann einn af sjálfum þér!

Það flæðir undan Degi B. eins og sýnir sig í Gallupkönnun

"Miklubraut strax í stokk!" hafði hann sagt áður. Og í kvöld bætti þessi apaköttur við: "Borgarlínu strax!" ---Hvað heldur hann að hann sé, og hver heldur hann að við séum, fífl eða hvað? Hversu óralengi var hann með kannski 20 sinnum ódýrari framkvæmd: breytingarnar á Hverfisgötu -- hve MÖRG ÁR tóku þær? STRAX HVAÐ?!!!   

Og þessar framkvæmdir á Miklubraut, mestu stofnæðinni, myndu senda alla þá meginumferð út á aðrar brautir á meðan, á Sæbraut, Suðurlandsbraut, Bústaðaveg og á aðrar götur eins og Háteigsveg, Skipholt o.s.frv. og í gegnum íbúðahverfin og ALLT Í HNÚT klukkustundir á degi hverjum í nokkur ár, tilvalið sem "RÖK" fyrir því að menn verði að hætta við "einkabílinn" og grípa hjólið og strætó í staðinn!!! (um það síðastnefnda mál og hjáfræði-bábiljur Helgu Völu og Dagsmanna, sjá hér: https://jonvalurjensson.blog.is/blog/jonvalurjensson/entry/2217250/ )

Veður ætti ekki að hafa áhrif á kjörsókn

Kjósum ekki lygalaup

 

• Efunarlaust er það ekkert skaup
• annarri´eins borg að stjórna,
• en kjósa skaltu´ ekki lygalaup
• með lymskuna´að vopni og skrilljón í kaup
• og höndum til himins svo fórna!

• Sjálfstæðisbaráttan, sú var hörð ...
• Svo fengu innlendir völdin ...
• Látum samt engan lygamörð
• leika´ okkur grátt og keyra´ oní jörð,
• eða´ er þetta þrettánda öldin?

 

Vandaður, bráðungur fréttamiðill

Menn ættu að kynna sér vel einn nýjasta fréttmiðilinn, Skinna.is eða https://skinna.is/ -- þar  er margt að finna sem máli skiptir fyrir kosningarnar, og erlendu fréttirnar þar eru líka áhugaverðar, sjá:  https://skinna.is/erlent/ --- og fleiri efnisflokkar eru þar, sjá bálk þar efst uppi.

Varðandi fréttina um að óvænt er aftur farið að sópa götur Reykjavíkur, þá vil ég geta þess, sem ég frétti frá miklum hjólreiðamanni í gær, að ólíkt verr eru þær sópaðar nú en áður, þessir þungu bílar fari allt of hratt yfir og noti sáralítið vatn og þetta valdi því, að ekki næst að þrífa nógu vel, sízt að ná öllu upp úr holum, og margt verði eftir, m.a. glerbrot sem safnist yzt í kantana nálægt rennisteini, og því spryngju dekk of oft á hjólunum, til tjóns fyrir þá sem nota þau daglega.

Er ekki hægt að biðja um að þetta sé vel gert, eða eru verktakar bara látnir um að flýta sér sem hraðast með verkið?

Dýrkeyptur slóðaskapur vanhæfrar borgarstjórnar

Ótrúlegur er slóðagangur borgarstjórnarmeirihutans við endurnýjun Hverfisgötu sem verður áfram lokuð a.m.k. út sumarið. Ætli þeim nægi ekki svona hálfur áratugur til að drepa niður allt athafnalíf þar? Svo vantar alveg strætisvagnaleið um verzlunarhverfið frá Hlemmi niður á torg, engin stoppistöð þar nálægt, en ætli gatan verði ekki hálfófær vegna beygja, þrenginga og ótal hraðabungna, þegar þessum fram­kvæmdum verður loksins lokið? Verður þetta þá göngustígur fyrir ferðamenn í ótal hótelum og hostelum við götuna og hjólreiða-forréttindahópinn?

Mynd: Iceland Monitor/ Júlíus Sigurjónsson

Verður þetta síðasta útspil Dags B.?

 "Hlutgerður" er hann af amerískum vefmiðli, segir Mbl.is, vekur þar kátínu á Smart­landi og Veraldar-vef, en þótt Wonkette rýni í hvernig hann fyllir út í galla­bux­urnar, er undar­legt að þeim sást yfir spenn­andi Termi­nator-iðju hans í borg­ar­landinu, með því að herja á Reykja­víkur­flug­völl jafnt sem götur borg­ar­innar, á útsvars­greiðendur ekki síður en við­skipta­menn Orku­veit­unnar, á kristin börn í skólum og umfram allt á akandi fólk sem í sakleysi sínu vill komast leiðar sinnar.

En vonandi vex egóið hans við þessar "fréttir" frá vestur­heimskum blaðakonum.

PS. Smellið á Borgarmálefni! og ennþá frekar á þessa samnefndu slóð: Borgarmálefni!

„Hann er ekki bara stór limur“

Hve lengi enn ætla forvígismenn Pírata að óvirða vilja sinna kjósenda í flugvallarmálinu?

Fleiri stuðningsmenn Pírata eru hlynnt­ir flugvellinum í Vatnsmýri heldur en and­víg­ir, skv. nýrri skoðanakönnun Maskínu.* Það hefur þá ekki breytzt frá fyrri könnun, að grasrót Pírata er andvíg stefnu síns flokks í málinu! Jafnvel 62,5% stuðningsmanna Pírata sögðust aðspurðir í skoðanakönnun MMR, birtri 3.5. 2015 (sjá HÉR), vera á því máli að láta neyðarbraut flugvallarins í friði. En forysta Pírata lætur á sér standa, segir ekkert við sífelldum yfirgangi Dags B. og stuðningsmanna hans (þ.m.t. píratans Halldórs!) í þessu flugvallarmáli. Hver var að tala um valdapólitík annarra og samráð við kjósendur?

* (Birt í dag, 3.2. 2016.) Það sama á við um stuðningsmenn Vinstri grænna: fleiri þar sem styðja Reykjavíkurflugvöll en hinir sem vilja hann ekki í Vatnsmýri. Á vefsíðu sinni gefur Maskína ekki upp, hverjar prósenturnar eru um aðspurða stuðningsmenn þessara tveggja flokka, þ.e. nákvæmlega um afstöðu þeirra í málinu.

Stuðningur við flugvöllinn minnkar