Óstjórnin á borginni kemur ekki til af engu

Jón Gnarr fekk sér þægilega innivinnu, losaði djobbið við erfiðari starfsskyldur borgarstjóra, sá sjálfur um PR-mennskuna, réð tvo í hitt; til að nota tímann í eitthvað á skrifstofunni, stundaði hann líkamsrækt; himinhá urðu launin líka hjá honum og félögum hans: voru hækkuð upp í um 500.000 kr. á mán. fyrir mætingu borgarfulltrúa á vikulega fundi, en sjálfur er hann með jafnhá laun og forsætisráðherra.

Þetta kusu þeir angurgapar sem héldu að þeir væru að kjósa á móti spillingu!

En byltingin étur börnin sín, og það mun koma í ljós um Gnarrista og viðhengi þeirra.

Og af því að ýmsir Gnarristar eiga eftir að líta á þennan pistil: þrjár spurningar:

1) Hafið þið séð Gnarristahópinn tala um meira en 100% hækkun launanna?

2) Vitið þið, að til stendur að eyðileggja stóran hluta Laugardalsins, norðan við Suðurlandsbraut?

3) Tókuð þið eftir, að það varð ekkert úr "hverfislýðræðinu" og að samráð við íbúana varð að fóbíu Gnarrs & Co. eftir vægast sagt kaldar viðtökur á fundum um skólamál, götuskipulag og fleira? Vinstri-borgarfulltrúarnir þorðu jafnvel ekki að mæta á fund um Hofvallagötumálin, kusu heldur að etja embættismönnum borgarinnar á foraðið til að taka á sig gagnrýnina!

Var með róðravél á skrifstofunni