Ekki lengur tabú að miða kyn við augljósar staðreyndir frá því um eða fyrir fæðingu!

Trump lætur ekki hafa sig að fífli í reynd, hvert mál hans á fætur öðru reyn­ist betra en Rúvarar höfðu ímyndað sér.* Nú kippir hann Bandaríkj­un­um aftur í afstöðu heil­brigðrar skynsemi:

 

"Heilbrigðisráðuneyti Bandaríkjanna hyggst breyta lagalegri skilgreiningu kyns þannig að allir Bandaríkjamenn teljist til þess kyns sem kynfæri þeirra gáfu til kynna við fæðingu. Ekki verður hægt að breyta þeirri skilgreiningu formlega nema með niður­stöðum úr erfðaprófi. ... Talið er að um ein milljón og fjögur hundruð þúsund Bandaríkjamenn skilgreini sig sem annað kyn en líffræðilegt kyn þeirra gefur til kynna og breytingin hefði því áhrif á stóran hóp fólks." (Rúv.is)

 

Hér sjáum við aftur á móti vegvillu vinstrimennskunnar:

Í stjórnartíð Baracks Obama voru réttindi transfólks stórlega aukin og fólki gert auðveldara að skilgreina eigið kyn. Transfólk hefur að mestu leyti fengið að skilgreina sig sem slíkt í mennta­kerfinu og heilbrigðis­kerfinu. Í minnis­blaðinu, sem er frá því í vor, kemur hins vegar fram að nauðsyn­legt sé að stjórnvöld hafi skýra skilgreiningu á kynjum. (Mbl.is)

Og það er fagnaðarefni. En hvenær skyldu fulltrúar okkar á lög­gjafar­þing­inu þora að tala máli heil­brigðrar skynsemi á Alþingi, þegar þeir óttast háðsyrði hinna "pólitískt rétt­trúuðu" sem aðhyllast helzt alla mögulega róttækni sem fyrir­finnst í kyn­hneigða­málum? 

* Í friðarmálum Kóreuskaga, í viðskiptasamningum við önnur Ameríkuríki, í sparnaði með því að skera niður styrki til mestu fóstu­rvígs­samtaka heims (sem eiga útibú á Íslandi), með því að skipa lífsverndar­sinnaða hæstaréttar­dómara og með því að stórbæta stöðu ríkissjóðs og draga út afvinnuleysinu.

Bragð er að þá barnið finnur. Kolbrún Bergþórsdóttir ritar:

"Á vefsíðu Vinstri grænna má finna ýmis fyrirheit, þar á meðal: Bætum kjörin! Burt með fátækt! Völdin til fólksins! Velferðarsamfélag fyrir alla! Þessi slagorð eru hláleg í ljósi þess að ríkisstjórnin virðist ekki hafa nokkurn áhuga á að skapa velferðarsamfélag fyrir alla. Síst hefur hún svo áhuga á að færa völdin til fólksins."

(Úr leiðara dagsins í Fréttablaðinu: Fallið, þar sem Kolbrún ræðir um fylgistap ríkisstjórnarinnar.)

Stríðsyfirlýsing gegn fátækum

Miklu meira en nóg!

Það er komið miklu meira en nóg af þess­ari aug­lýs­inga­mennsku fyrir Sam­tök­in 78 og þeirra uppá­tæki --- miklu fremur ástæða til að stoppa þau af, s.s. hina ófag­legu hins­egin­fræðslu svo­kallaða, sem komið var á utan námsskrár og án nokkurs samráðs við for­eldra­félög, en ekki færri en fimm sveitarfélög eru að sólunda millj­ónum árlega í það fyrirbæri eitt sér. Þar fyrir utan hafa ríki og borg spanderað langt á 2. hundrað milljóna króna í S.78, "Gaypride" o.fl. þessu tengt, margfalt á við framlög ríkis og borgar til fátækra­mála: til mæðra­styrks­nefnda, Fjölskyldu­hjálpar Íslands og Hjálpræðishersins.

Skólavörðustígur í öllum regnbogans litum

Cars and Girls

  Prefab Sprout

 

Hér er söngtextinn allur, þið getið opnað hann í öðrum glugga og haft til hliðar, þegar hlustað er á lagið, þetta einstaka lag:

https://genius.com/Prefab-sprout-cars-and-girls-lyrics

En lagið sjálft er líka hægt að sjá og heyra á fullum skjá með því að smella á neðra horn til hægri eða (betra) í skárri skjámynd með því að smella á YouTube.

 

" width="960" height="580" frameborder="0" allowfullscreen> 

Nýleg tíðindi af fegurðarsamkeppni stjórnarmyndunarmála

Þau fá ólíkar trakteringar í myndavali í tveimur samliggjandi fréttum á blog.is, Katrín Jakobsdóttir og Sigurður Ingi Jóhannsson, sjáið bara:

Í gær, 19:21 Formenn flokkanna þriggja ...

Í gær, 21:15 „Ég tjái mig ekki um það sem er tekið upp í gegnum lokuð gluggatjöld,“ ... 

Vill engu svara um freyðivín

Enn eitt Gnarrkvæði

 

Gæran sú vildi ekki gera þér narr,

    Jón Gnarr!

Vongóð í peysunni vænlegu hékk,

    en varla það fékk.

Ugglaust því gekk hún þar bónleið frá búð,

    en bragðmikinn snúð

heima við átti hún í mynd síns manns

    og mælti til hans:

"Gaukaðu þessu nú, góði, að mér,

    þá gleðst ég með þér,

þótt lítið það sé sem mér lætur í té,

    það er lífs míns te,

og skárri þú ert en sá grályndi Gnarr

    sem gerði mér narr!"

Jón Gnarr áreittur í leigubíl

Beðizt afsökunar á hverju?

Af hverju var Ásmundur að biðja Rauða krossinn afsökunar? Sagði hann eitthvað rangt með orðum sínum? (Hann sagði að frétta­menn væru ekki að spyrja hvað lög­fræðing­ar Rauða kross­ins fái fyr­ir að senda bréf til inn­an­rík­is­ráðuneyt­is­ins vegna hæl­is­leit­enda.)

Salómonsdóminn um þetta mál Ásmundar og Helgu Völu hygg ég að Gylfi Þorkelsson hafi átt í snjallri vísu á Boðnarmiði:

 

Ási Frikk á býsna bágt,

á bílinn snápar rýna.

En Rauði krossinn lýtur lágt

með lögfræðinga sína.

Ásmundur biðst afsökunar

"Hann er eins og vifta ... með hendurnar"

sagði vinur minn um Benedikt Jóhannesson í þessum foringjaþætti í Sjónvarpinu í kvöld.

Öllu verra er þó fyrir Benedikt hve mikill fautaþyrill hann er í efnahags- og peningamálum, eins og í ljós kom í lofgjörð hans um evruna. 

Ekki er hún dýrkuð af nágrönnum okkar Írum eins og í ranni Benedikts. Þeir litu öfundar­augum til okkar eftir bankakreppuna að eiga sjálfstæðan gjaldmiðil og sveigjanlegam en brotnaði þó ekki, heldur opnaði landið fyrir mestu ferðamannabylgju samtímans og hjálpaði einnig okkar útflutningsatvinnuvegum.

Aumingja Benedikt er tímaskekkja að halda að hann geti flutt okkur fagnaðarerindi Evrópusambandsins. 

En hann talar ennþá um "okkur stjórnmálamenn" þótt líkurnar séu mestar samkvæmt skoðana­könn­unum að það verði hann ekki lengur en 19 daga í viðbót og að allur þingflokkur hans þurrkist jafnvel út af þingi. Það væri nú aldeilis gott.

Benedikt leiðir Viðreisn

Samvinnuflokkurinn!

Þessi nafngift nýja flokksins er vel heppnuð. Markmið hans er sagt vera að virkja stjórn­mála­flokk­ana til samvinnu að málum, þannig að strax er sagt, að þessa sé nú enginn kaup­félaga­flokkur! Samt snertir nafnið strengi í gömlum sam­vinnu­mönnum og þar með tryggt, að ýmsir þeirra muni styðja flokkinn, enda hafa vel­flestir Fram­sóknar­menn fylgzt vel með Sigmundi Davíð og mis­líkaði stórum hvernig Rúvarar (ríkis­starfs­menn!) léku hann svik­sam­lega í fyrra, hrundu honum af stóli sem forsætis­ráðherra og áttu þátt í því að ryðja Sigurði Inga braut upp á formanns­stólinn.

En þar að auki hefur nafnið fallegan hljóm. Þessum flokki er ekki óskað neinna hrakfara hér, maður vonar bara hið bezta um stefnu­málin, umfram allt að þetta verði fullveldis­trúr flokkur. En jafnvel þótt frænka mín Vigdís Hauks­dóttir og fleira fólk, sem ég met mikils, eigi hugsan­lega eftir að ganga í þennan flokk og veita honum brautar­gengi í öllum sex kjördæmum landsins, þá mun ég ekki ganga í hann; Íslenska þjóðfylkingin hefur enn sinni mikil­vægu köllun að gegna og þeim mun fremur sem Flokkur fólksins kann að reynast tvöfaldur í roðinu gagnvart fullveldi landsins.

Sigmundur Davíð hættir í Framsókn

Fengi Guðni Th. nokkra vinnu sem spámaður, jafnvel í sirkustjaldi?

Í Grapevine 19.6. 2009 sagði hann:

"augljóslega, ef Ísland myndi segja, að við ætluðum ekki að samþykkja þetta [Icesave-samninginn], þá myndi það gera okkur nánast eins einangruð og Norður-Kóreu eða Búrma (obviously, if Iceland were going to say, we´re not going to accept this, that would pretty much make us as isolated as countries as North Korea or Myanmar)."

Já, hans eigin orð, spámannsins sjálfs! (að eigin áliti) sem ýmsir mæla nú með sem næsta forseta landsins! Samt tók hann afstöðu þvert gegn lagalegum rétti þjóðar sinnar, studdi bæði Svavars­samning­inn og Buchheit-samninginn og hefur enn ekki beðizt afsökunar!

Fylgi Guðna minnkar