Með bloggarabrag

 

Steinunn grefur upp pípu og pest.

Prúður Ómar vill þókknast öllum.

Pírata skammar Páll fyrir rest;

párað er margt hér bloggs á völlum.

 

Halldór gegn villtum hálfvitum berst.

Hannes var eitthvað í Bakú að þylja.

Lengi hér Fullveldisvaktin verst

vondslegum gegn, sem ræna´ okkur vilja.

 

Styrmir er þekktur hér, stór í lund,

stjórnmálamennina typtar með gleði,

formanninn Bjarna hirtir sem hund,

haldi´hann til Brussel með landið að veði.

 

Gústaf Adolf er góður og gegn,

gagnast hann þjóðinni, fjarri þó landi.

Sæmi´ er svo einn og Svenni ... Hver þegn

satt skal hér mæla og trúr hans andi! 

 

Rúnar á garðinn ræðst nú helzt

ríkis þess sem glatt mun ei falla.

Margt hér á bloggið mannval velst,

Magnússon Jón, en Nonni? Varla!

 

Verk- er hér fróður vinurinn snjall,

víst jú hann Bjarni, og Gunnar æðir

Brussel á móti og boðar þess fall.

Bloggið hér margt um heiminn fræðir!

Icesave og Guðni Th. Jóhannesson

Grein JVJ endurbirt úr Fréttabl. 24.6. 2016.

"Gjör rétt, þol ei órétt" (Jón Sigurðsson forseti).

Guðni studdi Svavarssamninginn svo snemma sem 19. júní 2009, sagði þá í blaðinu Grapevine: „Það getur verið að okkur líki Icesave-samningurinn illa, en hinn kosturinn er miklu verri, og kannski er þetta það bezta sem við eða einhver annar gæti fengið.“

Hér eru orð Guðna Th. á frummálinu, svo að enginn velkist í vafa um þá vanhugsun sem fólgin var í meðmælum hans með þeim stór­háskalega samningi sem m.a. gaf Bretum fullt dómsvald um öll ágreiningsefni um samninginn og um afleiðingar þess að við gætum ekki staðið við hann (þær afleiðingar gátu m.a. verið stórfelld upp­taka ríkiseigna); en Guðni talar: „We might not like the Icesave deal, but the alternative is much worse, and maybe this is the best we or anyone else could get.“

Alveg er makalaust að á framboðsvori 2016 hefur okkar sami Guðni bent ásakandi fingri á Ólaf Ragnar Grímsson með þeim orðum að hann hafi skrifað undir Icesave-samninginn síðsumars 2009.

Hver er Guðni að gagnrýna forsetann? Sjálfur var hann gagnrýnis­laus meðmælandi upphaflega Svavarssamningsins. Skilmála­laust mælti hann með honum, sagði aðra valkosti „miklu verri“!

En stjórnarandstaðan á Alþingi 2009 sætti sig ekki við þann smánar­samning og vann að því ötullega að skeyta við hann ýtarlegum fyrirvörum sem drógu svo úr gildi hans fyrir Breta og Hollendinga, að þeir urðu alls ófúsir til að meðtaka hann í slíkri mynd; ekki lagaðist málið fyrir þá, þegar forsetinn hnykkti á þessu við undirritun laganna 2. sept. 2009 með sérstakri áritaðri tilvísun til fyrirvara Alþingis.

Niðurstaðan er einföld: Svavar Gestsson, Steingrímur J., Jóhanna og Össur flögguðu sínum óbreytta Svavarssamningi við Breta og Hollendinga. Guðni Th. (yfirlýstur femínisti) var þeim sammála á sjálfum hátíðisdegi kvenna 19. júní, með hans orðum: „kannski er þetta það bezta sem við eða einhver annar gæti fengið,“ um leið og hann tók fram, til að hafa þetta alveg á hreinu, að aðrir kostir væru „miklu verri“.

Hefði þetta fólk fengið að ráða, hefðum við aldrei fengið að sjá sýknudóminn sem kveðinn var upp í EFTA-réttinum 28. janúar 2013.

Nær engin árvekni
Árvekni Guðna var nánast engin: Í sama Grapevine 19.6. 2009 dró hann upp kolsvarta mynd: „augljóslega, ef Ísland myndi segja, að við ætluðum ekki að samþykkja þetta [Icesave-samninginn], þá myndi það gera okkur nánast eins einangruð og Norður-Kóreu eða Búrma (obviously, if Iceland were going to say, we´re not going to accept this, that would pretty much make us as isolated as countries as North Korea or Myanmar).“ Þvílík hrakspá! Þurfum við á slíkri spásagnargáfu að halda á Bessastöðum?

Hann greiddi Buchheit-samningnum atkvæði í þjóðar­atkvæða­greiðslunni 9. apríl 2011, lýsti því sjálfur yfir og reyndi eftir á að skýla sér á bak við að 40% kjósenda hefðu kosið eins og hann! Ekki líktist hann þá Jóni Sigurðssyni sem vildi „eigi víkja“ frá rétti okkar. Leiðtogar eiga að vera leiðandi kjarkmenn sem standa með rétti þjóðar þegar að honum er sótt.

Samningsleg viðurkenning
Einnig Buchheit-samningurinn fól í sér samningslega viðurkenningu Jóhönnu­stjórnar á því, að íslenzka ríkið hefði verið í órétti í Icesave-málinu (þvert gegn öllum staðreyndum um lagalega réttarstöðu okkar skv. tilskipun ESB 94/19/EC og innfærslu hennar í ísl. lög nr. 98/1999). En sá samn­ingur væri nú búinn að kosta okkur hartnær 80 milljarða í einbera vexti, óafturkræfa og það í erlendum gjaldeyri.

Einungis atbeini forsetans og höfnun þjóðarinnar á Icesave-lögunum í tveimur þjóðar­atkvæða­greiðslum varð okkur til lausnar: því að Bretar og Hollendingar með ESB í liði með sér höfðuðu þá málið gegn Íslandi fyrir EFTA-réttinum og steinlágu á því bragði. Svo hrein var samvizka okkar af því máli, að við fengum fortaks­lausan sýknu­dóm og þurftum ekki að borga eitt penný né evrucent og engan málskostnað!

Það er þung byrði fyrir ungan mann að hafa tekið eindregna afstöðu gegn lagalegum rétti þjóðar sinnar og ekki þorað að biðjast afsök­unar. Hitt er meira í ætt við fífl­dirfsku að voga sér samt að sækjast eftir sjálfu forseta­embættinu hjá sömu þjóð nokkrum árum síðar! Því á ég fremur aðra ósk þessum málvini mínum til handa: um frjósöm ár við sífellt betri fræðimennsku og akademísk störf.

Höfundur, formaður Þjóðarheiðurs, samtaka gegn Icesave, sat í framkvæmdaráði Samstöðu þjóðar gegn Icesave, sem stóð að undirskriftasöfnun á Kjósum.is með áskorun á forsetann að hafna Buchheit-lögunum.

PS. Guðni Th. Jóhannesson fekk 39,1% (ekki 39,9%) í forsetakosningunum 25. júní 2016, sbr. neðstu aths. hér á eftir og https://is.wikipedia.org/wiki/Forsetakosningar_á_Íslandi_2016.

Steingrímur var oftast strikaður út

Ekki kemur það á óvart! "Fyrsta hreina vinstri stjórnin" sendi Samfylkingu á hraða niðurleið 2013, sem lauk með þriggja manna þingflokki 2016. Steingrímur vék úr formannsstóli til að bera höggið af VG með brosandi Kötu, en mátti ekki sýna sig í kosningabaráttunni í haust án skaða fyrir flokkinn. Dæmi um það var grein eftir hann, sem birtist á Eyjunni rétt fyrir kosningarnar, þar sem allir steyptu sér yfir hann, sáróánægðir!

Meðal manna, sem kusu flokk Steingríms 2009 vegna frægra eða alræmdra kosningaloforða hans, var Páll Vilhjálmsson blaðamaður.* Hann hefur síðan ekki getað á heilum sér tekið og ekki linnt skiljanlegri gagnrýni sinni á þennan methafa í kosningasvikum í gervallri lýðveldissögunni.

Nú voru það 258 kjósendur VG í NA-kjördæmi sem strokuðu Steingrím út.

* Sjá grein Páls hér, 28. okt. sl.: Kosningasaga mín frá hruni: Vinstri grænir til Sjálfstæðisflokks

Steingrímur oftast strikaður út

Helztu veðravítin að varast á pólitíska sviðinu - og skárri kostir

Það er ánægjulegt, að í nýrri könnun MMR er VG á niðurleið með 16,6% og hinn "turninn", Sjálf­stæð­is­flokk­ur, með 21,3% fylgi (hafði feng­ið 25,3% hjá Gallup). 

Að frátöldum glóru­laus­um félögum Svartr­ar fram­tíðar, með sína æðstu ósk um hálfa milljón nýbúa til 2050 (ekki náttúrlega aukn­ingu, heldur umfram allt frá múslima­löndum!) --- að skipta um þjóð á einni kynslóð, getum við kallað þetta --- eru Vinstri græn með alvarlegustu og skað­vænlegustu stefnuna í beinum tölum upp­gefna: í það minnsta 2.000 kvóta­flóttamenn á næstu fjórum árum og um 5.000 hælis­leitendur sem fái hér varanlega búsetu!!! Samfylkinguna fengju þeir mjög líklega til lags við sig um þau markmið. (Björn Bjarnason átti fínan pistil um þann flokk og um hagsmunatengsl Helgu Völu -- oddvita S-listans í Rvík-norður -- við lögfræði-gróðastarfsemina sem snýst um þessi mál, með 29 lögfræðinga á fullu við þetta hjá Útlendingastofnun og hinum afvegaleidda Rauða krossi Íslands.

Önnur helztu veðravítin eru þjóðsvika­flokkarnir sem vilja koma landi og þjóð inn í stórveldið sem kennt er við Brussel, en lýtur mest þýzkri forystu frá Prússlandi (eins og álfan þurfi helzt á henni að halda!!!). Þetta eru einkum Samfylkingin og Viðreisn; einn helzti áróðursfulltrúi síðarnefnda flokksins, hálfgöbbelskur í ósvífni, er tekinn fyrir í þessari grein minni frá gærdeginum.

Pistill þessi er tengdur við frétt um að Framsóknarflokkurinn stóð sig betur en Miðflokkurinn í nefndri MMR-könnun (með 11,7%, en flokk­ur Sigmundar Davíðs með 11,4%). Báðir eru reyndar álitlegur kostur fullveldissinna, og dapurlegt yrði það, ef hvorugur formannanna næði inn, en þeir eru þar nánast gulltryggðir í NV- og Suður­kjördæmum, en Lilja Dögg stendur tæpar, því miður, því að þar er mikil vitmanneskja á ferð, verðug margra atkvæða. Mitt atkvæði fellur hins vegar á Ólaf Ísleifsson, samherja minn um vernd ófæddra. Flokkur hans, Flokkur fólksins, er andvígur Evrópusambands-inntöku og vill skera niður tölu tilhæfulausra hælisleitenda, þeir verði afgreiddir á 48 stundum, og það er nóg, í sem fæstum orðum sagt!

Framsókn stærri en Miðflokkurinn

Til lítils var af stað farið - og litið til framsóknarmanna; eru þeir kjölfestuflokkur lýðveldissinna?

"Bjartri framtíð" ætlar að hefnast fyrir að sprengja upp ríkisstjórnina og reka þjóðina út í enn einar kosningar: fylgi flokksins er nú 1,2% í Gallupkönnun!

Hvor framsóknar­flokkurinn skyldi nú vera skárri? Miðflokkur Sigmundar Davíðs, sem sækir ekki aðeins fylgi til fyrri stuðn­ings­manna Framsóknar­flokksins, er greinilega traustari valkostur fyrir fullveldissinna heldur en Framsóknarflokkur Sigurðar Inga.

ESB-spillingin og -freistingin hafði sótt inn í þann flokk með Halldóri heitnum Ásgrímssyni, Valgerði Sverrisdóttur og allmörgum öðrum, en Sigurður Ingi reyndist ágætur, þegar Össurarumsóknin var til umræðu. Lilja Dögg Alfreðsdóttir mun hafa verið ESB-sinnuð, en hún snerist gegn evrunni eftir að hún las hagfræðinginn Stiglitz. Í flokknum er enn­fremur Frosti Sigurjónsson, sem enn berst við að halda Framsóknarflokknum við ESB-andstöðu. En freistingin er ágeng, ekki sízt vegna himinhárra launa, skattfrjálsra, sem bjóðast helztu pólitíkusum í Brussel. Almennir flokksmenn bæði í þessum flokki og Vinstri grænum þurfa að halda aftur af ESB-hneigð ráðamanna sinna (enginn ætti að gleyma því, hvernig Steingrímur J. blekkti og sveik sína grasrót og fjölda kjósenda sem voru narraðir til að kasta atkvæði sínu á hann sem meintan fullveldissinna 2009!).

Í Miðflokki Sigmundar er m.a. Hörður Gunnarsson, sem seint hefði mátt búast við að yfirgæfi gamla flokkinn, en hann er einn trúasti og skarpasti fullveldissinninn, og ekkert mun fá hann til að lynda við ESB-taglhnýtingshátt.

Fullveldissinnar eiga sér því einna bezta stoð í Miðflokknum, en Sjálfstæðisflokkur ætti að standa þeim megin líka, þótt ýmsir séu þar grunaðir um græsku, jafnvel eftir að versta ESB-liðið hvarf yfir í "Viðreisn".

Flokkur fólksins er yfirlýst andvígur Evrópu­sambandsaðild, þótt einhverjir forystumanna hans hafi gælt við hugsun um evruna. En um evrumál og þá firru, að upptaka hennar leiði sjálfkrafa til lækkunar vaxta og afnáms verð­tryggingar, geta menn fræðzt einna bezt hjá Guðmundi Ásgeirssyni kerfisfræðingi, m.a. í nýlegri grein hans:  Evrumýtan um afnám verðtryggingar

Fylgi VG og Sjálfstæðisflokks jafnt

Athugasemdir við grein Þorvaldar Gylfasonar prófessors í Fréttablaðinu í dag

 

1. Greinarinni­haldið stendur ekki und­ir því sem fullyrt er í fyrir­sögn­inni: "Eftir­drunur nasism­ans". Hvorki í Banda­ríkj­unum né Þýzka­landi er neinn naz­ismi í gangi hjá kosn­um lýð­full­trúum. Þor­vald­ur mæl­ir rétti­lega: "Þjóð­verj­ar hafa gert svo ræki­lega upp við for­tíð sína að sómi er að," en bæt­ir við, með eng­um rök­um: "þótt nú syrti aftur í álinn." Þar hefur hann ugg­laust í huga 13% fylgi Altenativ für Deutsch­land, AfD (á sama tíma og sósíal­demó­kratar fá 20%!), en AfD er ekki (ný)nazista­flokkur og var ekki stofnaður sem slíkur. Hann tók því ekki aðeins fylgi frá kristilegum demókrötum, heldur líka frá skoðanabræðrum Þorvaldar í SD!

Ekki síður fer Þorvaldur með rangt mál, þegar hann heldur því fram, að tilraun ríkisstjórnar Íslands árið 2004 til að setja fjölmiðlalögin hafi "eftir á að hyggja [verið] aðför að frjálsri fjölmiðlun í fasískum anda." –––Þvílík stóryrði! En Þorvaldur er náttúrlega á launum hjá 365 miðlum.

2. Þorvaldur talar um "árásir forseta­frambjóð­anda Sjálfstæðis­flokksins á Guðna Th. Jóhann­esson fyrir forseta­kosningarnar í fyrra vegna meintrar afstöðu Guðna til kröfunnar um að Íslendingar tækju að hluta ábyrgð á Icesave-reikningum Lands­bankans," en undarlegt er að tala þar um "meinta afstöðu Guðna", því að um afstöðu hans þurfti ekki að efast. Fyrir kosn­ingarnar ritaði ég grein í þetta sama Fréttablað: "Icesave og Guðni Th. Jóhann­esson", sem birtist þar á Jónsmessu 2016, og þar er farið ýtarlega í saumana á afstöðu Guðna í málinu, sjá hér:

http://www.visir.is/icesave-og-gudni-th.-johannesson/article/2016160629424

3. Þorvaldur endar á því að minna á "nýju stjórnarskrán[a] sem 67% kjósenda lýstu stuðningi við 2012." ––Vert er að minna hér á nýbirtan pistil eftir dr. Hannes H. Gissurarson: "Hverjir geta talað í nafni þjóðarinnar um stjórnarskrá?" (http://hannesgi.blog.is/blog/hannesgi/entry/2202758/ ), þar sem hann segir m.a.:

"Í kosningum til stjórnlagaþings var þátttakan aðeins 36,8%. M.ö.o. höfðu 63,2% ekki áhuga. Kosningarnar voru síðan dæmdar ólöglegar. Þá skipaði stjórnin sama fólk í „stjórn­lagaráð“. Kjörsóknin um tillögur þess var 48,4%. M.ö.o. höfðu 51,6% þjóðarinnar ekki áhuga. Af þeim, sem kusu, vildu 67% miða við uppkastið frá „stjórnlagaráðinu“. Þetta merkir, að einn þriðji kjósenda samþykkti þetta uppkast. Tveir þriðju hluta þjóðarinnar samþykktu það ekki, mættu annaðhvort ekki á kjörstað eða greiddu ekki atkvæði með því. Til samanburðar var kjörsóknin vegna lýðveldis­stjórnar­skrár­innar 1944 98,4%, og hana samþykktu 98,5% þeirra, sem greiddu atkvæði. Getum við, sem styðjum gömlu, góðu lýðveldis­stjórnarskrána, ekki frekar talað í nafni þjóðarinnar en þessir fulltrúar eins þriðja hluta þjóðarinnar, sem leist vel á uppkast hins ólöglega „stjórn­laga­ráðs“? …"

Og ég minni á, að með ÓLÖGLEGUM hætti var þetta "stjórnlagaráð" (nefnd á vegum stjórnvalda, eins og þáv. formaður stjórnskipunar- og eftirlits­nefndar Alþingis, Valgerður Bjarnadóttir, kallaði þetta) skipað af naumum meirihluta alþingismanna, án sérstaks umboðs frá kjósendum og þvert gegn þágildandi lögum um stjórnlagaþing!

Samvinnuflokkurinn!

Þessi nafngift nýja flokksins er vel heppnuð. Markmið hans er sagt vera að virkja stjórn­mála­flokk­ana til samvinnu að málum, þannig að strax er sagt, að þessa sé nú enginn kaup­félaga­flokkur! Samt snertir nafnið strengi í gömlum sam­vinnu­mönnum og þar með tryggt, að ýmsir þeirra muni styðja flokkinn, enda hafa vel­flestir Fram­sóknar­menn fylgzt vel með Sigmundi Davíð og mis­líkaði stórum hvernig Rúvarar (ríkis­starfs­menn!) léku hann svik­sam­lega í fyrra, hrundu honum af stóli sem forsætis­ráðherra og áttu þátt í því að ryðja Sigurði Inga braut upp á formanns­stólinn.

En þar að auki hefur nafnið fallegan hljóm. Þessum flokki er ekki óskað neinna hrakfara hér, maður vonar bara hið bezta um stefnu­málin, umfram allt að þetta verði fullveldis­trúr flokkur. En jafnvel þótt frænka mín Vigdís Hauks­dóttir og fleira fólk, sem ég met mikils, eigi hugsan­lega eftir að ganga í þennan flokk og veita honum brautar­gengi í öllum sex kjördæmum landsins, þá mun ég ekki ganga í hann; Íslenska þjóðfylkingin hefur enn sinni mikil­vægu köllun að gegna og þeim mun fremur sem Flokkur fólksins kann að reynast tvöfaldur í roðinu gagnvart fullveldi landsins.

Sigmundur Davíð hættir í Framsókn

Óttarr Proppé fylgir eftir hugmynd sinni um að framandi þjóðir taki yfir Ísland

"Björt framtíð" ætlar að leggja fram frum­varp um breyt­ingu á Útlend­inga­lögun­um frá í fyrra til að auka vægi "barna í viðkvæmri stöðu."

Þetta er í fullu samræmi við þá stefnu flokksins að fjölga lands­mönnum hér upp í 800.000 um miðja öldina. Það verði vitaskuld ekki gert með okkar eigin barneignum, heldur massífum innflutningi fólks, ekki síst frá arabalöndum. 

Svo er þetta frumvarp BF ekki spurning um tvær stelpur, ekki um að aðskilja þær frá fjölskyldum sínum, og ekki um það fólk eitt í tveimur fjölskyldum skv. einhverri geðþótta-ákvörðun, heldur alla í sambærilegri stöðu, og þeir skipta tugum milljóna, sem gætu hugsað sér að flytjast hingað.

Að Óttarr þessi, ráðherranefna, hefur tak­markaðan áhuga á okkar eigin tímgun, sést skýrast af því, að ásamt Samfylkingar­foringjanum Loga Einarssyni er hann mikil áhugamaður um að hér megi drepa ófædd börn í móðurkviði sem allra lengst, allt upp í fimm mánaða gömul og það einfaldlega að kröfu kvenna!

Af þessu má sjá hve þeim vopnabræðrunum er í alvöru annt um börn í viðkvæmri stöðu!

Út af með þessa óvini íslenzkrar þjóðar af þingi!

Sbr. einnig HÉR og HÉR!

Breytingar á stöðu barna í viðkvæmri stöðu

"Viðreisn" á ekkert erindi á Vestfirði, ef þá nokkurs staðar nema í Brussel !

Mesti veikleiki "Viðreisnar" í Norðvesturkjördæmi sem öðrum er sá, að þetta er ekki flokkur sem styður sjálfstætt og fullvalda Ísland, heldur innlimun þess í evrópskt stórveldi, þar sem gömul nýlenduveldi fara með langmest og ráðandi völd. Stuðningur við slíkan flokk á slóðum Jóns Sigurðssonar forseta getur sízt talizt sæmandi uppréttum og þjóðhollum Íslendingum.

En það vantar víst ekki, að "Viðreisn" hafi úr nægum milljónum að spila í áróðursfé. Þetta er líka gjarnan sama fólkið í forystu, þar sem halaði inn 20 milljónir króna handa s.k. "Áfram!"-áróðurssamtökum sínum sem börðust fyrir því að Íslendingar yrðu látnir borga ólögvarðar kröfur Breta og Hollendinga í Icesave-málinu. Meðal annars fengu þau samtök eina milljón frá Samtökum atvinnulífsins og Samtökum iðnaðarins hvorum um sig, en nú er "Viðreisn" einmitt með nokkra fyrrverandi forstjóra úr þeim samtökum í forystuliði sínu og efstu sætum og einnig Þorgerði Katrínu, sem þar starfaði, unz hún bauð sig fram fyrir þessa líka "Viðreisn"!

Formaður "Viðreisnar" er Icesave-borgunarsinninn Benedikt Jóhannesson Zoëga.

Sbr. einnig: Hvernig dettur þessum mönnum í hug að bjóða sig fram til þings?

Ennfremur: Hvar stendur frambjóðandi í 1. sæti D-lista í NV-kjördæmi gagnvart Evrópusambandinu?

Skýrasti valkostinn gegn Evrópusambands-flokkunum er Íslenska þjóðfylkingin, sem vill standa vörð um fullveldi og sjálfstæði Íslands, íslenzka menningu og þjóðarhag og hafnar því aðild að ESB og vill úrsögn úr EES og Schengen. Sjá nánar hér: grunnstefnu flokksins.

Gylfi leiðir Viðreisn í Norðvesturkjördæmi

Þessum ólögum varð að mótmæla

Þarna, við Alþingishúsið, verður Íslenska þjóðfylkingin með sína þöglu og friðsömu mótmælastöðu gegn gölnum útlendingalögum Sexflokksins frá kl. þrjú til fimm í dag. Endilega mætið og kynnið ykkur stefnu okkar um leið. Lítið einnig á rökin á síðunni sem vísað var á hér á undan á blálituðu línunni. Og ræðið málin, þetta er ekkert sem á að þagga niður, þótt ráðandi, en villuráfandi öfl vilji það!

ÍÞ fordæmir bæði rasisma og útlendingaandúð, en bendir á hrikalega vankanta útlendingalaganna nýju, sem sett voru gegn betra áliti lögreglunnar.

Margir hefðu gott af að hugleiða frétt á bls.6 í Fréttablaðinu sl. föstudag 12. ágúst (Þjóðverjar kynna aðgerðir í baráttu gegn hryðjuverkum) þar sem segir í lokin:

"Manfred Hauser, yfirmaður leyniþjónustu Bæjaralands, greindi frá því í viðtali við BBC að miklar líkur væru á meiri háttar hryðjuverkum í Þýskalandi. Hann sagði starfsfólk sitt rannsaka hundruð tilkynninga um að hryðjuverkasamtökin sem kenna sig við íslamskt ríki (ISIS) væru að senda liðsmenn sína til Þýskalands, dulbúna sem flóttamenn."

Já, takið sérstaklega eftir þessu síðastnefnda!

Þingið tekur aftur til starfa