Dr. Hannes H. Gissurarson farinn að læra af frægasta skólaspekingnum

Já, nú er hann tekinn til við að læra að feta meðalveginn hjá Thómasi okkar frá Aquino! https://hannesgi.blog.is/blog/hannesgi/entry/2228973/

Það skal þó tekið fram, að ekki merkir þetta, að Thómas hefði skrifað upp á allt hjá Hannesi eða hjá öðrum fræðimanni, sem hann dáist að, Lysander Spooner. Hannes fær t.d. ekki stuðning Thómasar við vændi og aðra ósiðlega hegðun, enda skaðar vændi ekki aðeins þau tvö, sem taka þátt í því, heldur aðra í framhaldi af því, með kynjúkdómasmiti og útbreiðslu slíkra sjúkdóma, með upplausn hjónabanda og fjölskyldna og með misnotkun kvenna, jafnvel mansali.

Með bloggarabrag

 

Steinunn grefur upp pípu og pest.

Prúður Ómar vill þókknast öllum.

Pírata skammar Páll fyrir rest;

párað er margt hér bloggs á völlum.

 

Halldór gegn villtum hálfvitum berst.

Hannes var eitthvað í Bakú að þylja.

Lengi hér Fullveldisvaktin verst

vondslegum gegn, sem ræna´ okkur vilja.

 

Styrmir er þekktur hér, stór í lund,

stjórnmálamennina typtar með gleði,

formanninn Bjarna hirtir sem hund,

haldi´hann til Brussel með landið að veði.

 

Gústaf Adolf er góður og gegn,

gagnast hann þjóðinni, fjarri þó landi.

Sæmi´ er svo einn og Svenni ... Hver þegn

satt skal hér mæla og trúr hans andi! 

 

Rúnar á garðinn ræðst nú helzt

ríkis þess sem glatt mun ei falla.

Margt hér á bloggið mannval velst,

Magnússon Jón, en Nonni? Varla!

 

Verk- er hér fróður vinurinn snjall,

víst jú hann Bjarni, og Gunnar æðir

Brussel á móti og boðar þess fall.

Bloggið hér margt um heiminn fræðir!

Jafndægur á vori

Nú er horfin næturtíð,

nú eru vorjafndægur, 

orti Gunnar J. Straumland á Boðnarmiði í gær og kvað meira að.

Jafndægur á vori og hausti kallast alþjóðlega (og latneska!) heitinu equinox. Í okkar hugtaki er dagurinn, í því latneska nóttin (nox, ef. noctis, sbr. nocturnal og nocturna; og equi er vitaskuld samstofna við e. equal og fr. égal -- og af því síðarnefnda dregið það hrollvekjandi orð égalité!).

Þessi jafndægur voru víst í hápunkti kl. 4.16 í gær. Í u.þ.b. tvær vikur fyrir og eftir vorjafndægur lengist dagsbirtan um ca. 7 mínútur daglega, en þegar kemur að sumarsólstöðum, eru þær breytingar ekki nema nokkrar sekúndur á hverjum sólarhring, eins og um vetrarsólstöður.

En nú er dagurinn jafn nóttinni, húrra fyrir því

Félagsstofnun stúdenta stefnir á 600 nýjar íbúðir, áherzlan á mjög smáar stúdíóíbúðir

Þetta er frábær stefna; 20 fm íbúðir nægja nefni­lega meiri­hluta há­skóla­nema. Nú á FS yfir 1200 íbúðir. Al­mennt hafa þær að­gang að stærra sam­eigin­legu rými, í veizlur o.s.frv.

Guðrún Björnsdóttir var fyrir hönd FS í fróð­legu viðtali á Rás 1 um kl. 12.50-13.08 í dag í þætt­inum Sam­félaginu. Það er ekki hægt annað en að óska Félags­stofnun stúdenta til hamingju með árang­urinn hingað til og áætlunina um að reisa 600 nýjar, hagkvæmar íbúðir á næstu árum. Þetta kemur vel til móts við þann þorra stúdenta, sem hefur takmörkuð fjárráð til að fara út á almenna leigumarkaðinn, eins og ástandið er þar nú, á okuröld í húsnæðismálum!

Viðtal tók ég við Ingólf Hjartarson, þá nýskipaðan framkvæmdastjóra FS, fyrir Vökublaðið (sat þar í ritnefnd), mig minnir á haustönn 1972, og var það heil baksíða, að miklu leyti tileinkuð stórhuga framkvæmdamálum FS á þeim tíma, þ.e. fjölbýlishúsunum við Suðurgötu og í nærliggjandi hverfi.

María Antoinette í fallöxinni 1793

Maria Antonia, f. erkihertogynja af Austurríki 1755, 15. barn Maríu Theresu keisaraynju og Franz I keisara, varð kona Lúðvíks XVI Frakkakonungs. Byltingarmenn dæmdu þau til dauða. Seint verður upp á hatrið logið.

 

Æ, fátækir kotungar kyntu til báls

og krafan um súpuna´ og brauðin!

unz við og sjálf börnin vorum ei frjáls ...

skítt veri með hallarauðinn!

Ég fann, að það kom eitthvað kalt við minn háls ...

Ó, kvölin og höggið og dauðinn!

JVJ, á göngu að kveldi 13.2. 2017

 16 ára í veiðiklæðnaði, eftirlæti móður sinnar

Mannsefni hennar, krónprinsinn, og tvítug hún 

 Árið 1787  Með tvö börn sín

 Í Tuiliers-höll 1790.

 Með þremur börnum sínum.

 

 Þessi mynd er frá 1792.

 Hér er hún fangi í Musteristurninum, um 1792.

 

Furðuleg kvenréttindi

Róttækur blaðamaður, Árni Matthíasson, reit pistil á leiðarasíðu Mbl. í gær og gaf sig út fyrir að vera varnarmaður kvenna, talaði m.a. um "kynheilbrigðisrétt" þeirra og virtist jafna því hugtaki við "rétt kvenna til að ráða yfir líkama sínum", en í báðum tilvikum á hann eflaust við meintan rétt þeirra til að láta eyða ófæddum börnum sínum. 

En það eru furðuleg kvenréttindi, sem fólgin ættu að vera í því að fá að eyða um eða yfir hálfri milljón ófæddra meybarna á ári hverju!

En að slá varnarmúr um fósturdeyðingar -- ekki hina ófæddu -- hefur verið eitt af helztu baráttumálum róttækra kvennahreyfinga sem hafa mótmælt valdatöku Donalds Trump í embætti Bandaríkjaforseta. Sjálfur hyggst hann hins vegar koma varnarlausum, ófæddum börnum til hjálpar. Ætti Árni Matthíasson að sjá sóma sinn í að styðja við það líknarverk.

En hér sjást afköst fósturdeyðingalæknanna í Bandaríkjunum frá 1973:

Sjá einnig hér, nýja frétt á Lifesite:

74% of Americans percent want to ban 2nd, 3rd trimester abortions: poll. (En Hillary Clinton og Barack Obama voru bæði hlynnt fósturdeyðingum á þessum síðustu tveimur af þremur þriðjungum meðgöngunnar, þar með talið vildu þau áfram leyfa "partial birth abortion"!).

Trump gagnrýnir mótmælendur

Sverð fundið frá 10. öld í Skaftártungu

Þetta er stórfrétt, en sennilega er sverðið og aðrir munir hluti gamals kumls; landbrot hafði átt sér stað þarna við síðasta Skaftárhlaup, nærri hraunbrún sem jafnvel hefur hulið þetta á sínum tíma, en hreinsazt af.

Þetta er eitt tuttugu sverða sem fundizt hafa hér frá söguöld. Það er komið í fulla rannsókn hjá starfsfólki Minjastofnunar, sem annast mál Þjóðminjasafns, en sverðið er að mestu í góðu ástandi.

Fundu sverð frá tíundu öld

Af fleipri fornleifafræðings

Af hverju leyfir Vilhjálmur Örn fornleifafræðingur ekki hófsömu, rökstuddu innleggi mínu að standa og rökræðir bara um silfurmál sitt uppi á austfirzka fjallinu að því leyti sem hann er mér ekki sammála eða vill meina að ég fari með fleipur?

En henti það ekki einmitt sjálfan hann í því máli að fara með fleipur, og ætlar hann nú að fela það með ritskoðun (sjá HÉR), auk þess að bæta við geðvonzkulega rætnum illmælum?

En ég geymdi sem oftar afrit af innleggi mínu, hér er það:

http://postdoc.blog.is/blog/postdoc/entry/2169521/#comment3614472

Farðu varlega í fullyrðingum þínum, Vilhjálmur. Þú átt að vita, að þetta eru peningar konu hans, ekki Sigmundar sjálfs. Það er alveg sjónarmið, að hann hefði fyrstur alþingismanna átt að gera grein fyrir eignum maka síns í skýrslu til þingsins, en það vissu það allir, að þessi dóttir hins stórauðuga Páls Samúelssonar með Toyota-umboðið hafði fengið fyrirframgreiddan arf -- það er EKKI misminni mitt, að þetta var einmitt umtalað fyrir kosningarnar 2009.

Og ég skrifaði: Farðu varlega í fullyrðingum þínum, því að ekki fórstu varlega í skrifum um silfurpeninga-sjóðinn forna sem fannst uppi á fjalli fyrir austan, það eru margir austfirzkir ennþá fúlir út í þig fyrir ofurmæli þín þá.

Jón Valur Jensson, 5.4.2016 kl. 00:03

Píratar með hlálega ofurróttækni í loftslagsmálum

Þvílíkt að hlusta á þessa Birgittu Jónsdóttur tala um það frá París í Sjónvarpinu í kvöld, að eitt sem við gætum gert væri að banna alla dísel- og olíubíla innan 10 ára! Gengur hún algerlega fram hjá því, að langmest losun gróðurhúsalofttegunda hér á landi er í gegnum þurrkun votlendis.

Glæsileg var greinin Mýrarljós í loftslagsmálum, sem Sigríður Ásthildur Andersen alþm. ritaði í Fréttablaðið við upphaf loftslagsráðstefnunnar í París. Góðan hafði hún ráðgjafann sérfróðan sér við hlið, eiginmann sinn Glúm Jón Björnsson efnafræðing.

Sigríður tekur umhverfisráðherrann og meinta stefnu okkar Íslendinga í þessum málum gersamlega á beinið og í bakaríið, þar sem ráðuneytismenn létu sér detta í hug þá barnalegu blekkingu að segja losun frá framræstu landi hérlendis vera NÚLL, ekki neina! Og er hún þó 72% af heildarlosun gróðurhúsalofttegunda hér á landi !!! 

Sjaldan eða aldrei hef ég vitað aðra eins bjálfalega erindisleysu eins og þá sem þessi 40 manna hálauna-sendinefnd fór í til Parísar, með sínar upplognu forsendur til að geta haldið áfram að herja á þegar ofskattaða bílaeigendur með meiri sköttum! Er þó hlutur fólksbíla í heildarlosun gróðurhúsalofttegunda hérlendis ekki nema tæp 4% – innan við 1/18 af því sem framræsla votlendis hefur í för með sér á hverju ári sem líður án aðgerða!  

Og gaman er að skoti Sigríðar á þennan ofvaxna, dýrkeypta dagpeninga-eyðsluhóp, eftir að hún hafði skýrt vísindalega það sem bjó á bak við þessi 72% : "Hér er því um að ræða beina losun gróðurhúsalofttegunda, rétt eins og þegar steinolíu er brennt í þotu með gesti á leið á loftslagsráðstefnu" !

Sannarlega er okkar bezta leið í þessum efnum EKKI að sóa verðmætum með banni við akstri olíu- og díselbíla, heldur að ganga í það að moka ofan í skurði á landsvæðum sem þjóðin getur verið án sem ræktarlands, og þetta kostar auðvitað, en allar lausnir myndu kosta sitt. Þessi gæti stuðlað að vinnu í sveitum landsins, en ennfremur þyrfti að greiða bændum vissar bætur vegna glataðs ræktarlands, þar sem um það er að ræða.

 

En Pírötum er ekki við bjargandi, þvílíkir skýjaglópar sem þeir eru í hverju málinu eftir annað. Og nákvæmlega ekkert er að marka hjal þeirra um "gagnsæi" og lýðræðislega þátttöku fólks í málum.

Kynnti drög að loftslagssamkomulagi

Rangt var af ákæruvaldinu að sækja málið. Til hamingju, Ásta Kristín!

Hún var sýknuð í einu og öllu af ákæru um manndráp af gáleysi og brot á hjúkrunarlögum. Í stað þessarar ákæru hefði verið réttara að sækja málið gegn RÍKINU og RÁÐHERRUM sem lagt hafa ofurálag á vaktir og vinnu starfsfólks á Lsp., þvingað lækna og hjúkrunarfólk með fækkun starfsmanna (sem flutt hafa úr landi vegna lélegra kjara og jafnvel viljandi verið skornar niður stöður og ekki endurráðið í sumar sem losna), já, þvingað starfsmenn til að þurfa að taka tvær vaktir og jafnvel fleiri í röð! Slíkt hlýtur að koma niður á viðbragðsflýti á stundum og nauðsynlegri yfirlegu yfir mál sjúklinga.

Ef einhverjir einstaklingar bera ábyrgð á þessu, er það ekki Ásta Kristín, heldur miklu fremur fjármálaráðherrann Bjarni Benediktsson, heilbrigðisráðherrann Kristján Þór Júlíusson, sem og forsætisráðherrann, sem staðið hafa í langtíma, óeðlilegum og óásættanlegum niðurskurði á fé til Landspítalans, jafnvel þrátt fyrir stórbatnað ástand ríkissjóðs!

 Ég tek undir nýbirta gagnrýni Tómasar Guðbjartssonar læknis um afar lélega frammistöðu ríkisins í rekstri og fjármálum Landspítalans: Óþolandi að sitja und­ir sí­felld­um ákúr­um.

Fagnar niðurstöðunni