Menn greiddu og greiða enn atkvæði með fótunum

Frá ríkjum sósíalismans, DDR, Ungverja­landi, Tékk­slóvak­íu, Víet­nam, Kúbu og nú Venezú­ela, streymdu flótt­menn á vit hinna kapítal­ísku ríkja, V-Þýzka­lands, Banda­ríkjanna, Ástralíu o.fl. Þrátt fyrir níðið um USA vilja menn þangað komast, líka þeir Mexíkanar og Suður-Ameríku­menn sem Fréttastofa DDRúv lýgur að okkur að Bandaríkin leiki svo grátt!

Vesalings Bjarni Ben. er í afneitun

Skoðana­könn­un Frétta­blaðs­ins staðfestir, að Sjálf­stæðis­flokk­ur­inn sígur niður á við, með 20,5% fylgi, lækkun um 2,1% frá fyrri könn­un þar í júní.

Miðflokk­ur­inn tek­ur af Sjálf­stæðis­flokki

 Miðflokk­ur­inn mæl­ist með 13,4% fylgi og eykst fylgi flokks­ins um 3,6 pró­sentu­stig frá því fyr­ir mánuði. Fylgisaukn­ing Miðflokks­ins virðist aðallega vera á kostnað Sjálf­stæðis­flokks­ins. Rúm 20% þeirra sem sögðust hafa kosið flokk­inn í síðustu þing­kosn­ing­um árið 2017 segj­ast styðja Miðflokk­inn nú ef marka má niður­stöður könn­un­ar­inn­ar. (Mbl.is)

Bjarni Benediktsson í alvarlegu afneitunarferli

 "Haft er eft­ir Bjarna Bene­dikts­syni, for­manni Sjálf­stæðis­flokks­ins, að fylgið flökti til og frá á miðju kjör­tíma­bili" (Mbl.is), en Sig­mund­ur Davíð Gunn­laugs­son bendir á rót málsins þegar hann seg­ir þriðja orkupakka Evr­ópu­sam­bands­ins "vænt­an­lega skýr­ing­una á fylgisaukn­ingu flokks" síns.

Í Fréttablaðinu var afneitun Bjarna enn paþetískari eða tilfinningalega óstjórnlegri, þegar fylgi flokks hans hefur aldrei verið minna og stefnu formannsins sjálfs og annarra helztu foringja flokksins helzt um að kenna.

Sam­fylk­ing­in mæl­ist með 14,4%, Vinstri hreyf­ing­in – grænt fram­boð með 12,9%, Pírat­ar 12,3%, Viðreisn 10,6%, Fram­sókn­ar­flokk­ur­inn 8,2% og Flokk­ur fólks­ins 3,2%.

Skoðana­könn­un MMR fyrr í þess­um mánuði sýndi Sjálf­stæðis­flokk­inn með 19% fylgi sem er það lægsta sem fyr­ir­tækið hef­ur mælt fylgi flokks­ins. Fylg­is­lækk­un Sjálf­stæðis­flokks­ins virt­ist að sama skapi fara yfir á Miðflokk­inn sem jók fylgi sitt og mæld­ist með 14,4%.

En hvernig Bjarni formaður bregzt við þessu er frétt út af fyrir sig. Hrein afneitun birtist hér í orðum hans í Fréttablaðinu:

"Inni á miðju kjörtímabili er almennt við því að búast að ríkisstjórnarflokkar gefi eitthvað eftir," segir hann. "Ég hef séð kannanir fyrir ekki svo löngu þar sem margir sem áður kusu Miðflokkinn ætluðu að kjósa Sjálf­stæðis­flokkinn og öfugt. Þetta eru bara dæmigerðar sveiflur inni á miðju kjörtímabili." (Sic!)

Þetta má kalla að reyna að bera sig vel, en þvílík afneitun, sem má líka kallast alger blinda og snertir vitaskuld orkupakkamálið, en ekki minnist hann á það, ekki frekar en mönnum sé annt um að nefna snöru í hengds manns húsi!

Fyrra fordæmi Bjarna, alræmt, í Icesave-III-málinu, gefur honum raunar engan rétt til að endurtaka þann leik að svíkja bæði landsfund sinn og þjóðina.

Tapar fylgi til Miðflokksins

Alltaf skulu Rúvarar hlaupa aftur á sig í vinstri-slagíðunni. Mönnum blöskrar!

Elliði Vignisson tekur Rúv réttilega á beinið á Facebók:

"... Í Bandaríkjunum búa 325 milljónir. Í Bretlandi 64 milljónir. Þátta­stjór­end­um Rík­is­út­varps­ins (Fréttir vikunnar) þykir við hæfi að kalla leiðtoga þessara þjóða bjána og gera hár­greiðslu og útlit þeirra að veiga­miklu atriði í umræðu um þá."

 

Ekki aðeins í þessum þætti hafa Rúvarar afhjúpað sína óupplýstu fordóma gegn Boris Johnson, sem var strax ungur afburða-námsmaður og hélt í gær og fyrradag snilldar-stefnuræður við Downingstræti 10 og í brezka þinginu sem nýr forsætis­ráðherra, heldur er fréttaritari Rúv í Lundúnum, vinstrisinnaða Icesave-borgunarskyldu-málpípan Sigrún Davíðsdóttir einnig byrjuð sinn neikvæðnisöng um leiðtoga gistiríkis síns.

 

Réttmæt skrif Elliða Vignissonar munu gera Fréttastofu Rúv erfiðara fyrir um framhald rógburðar um Boris Johnson; Sigrúnu þarf svo að setja stólinn fyrir dyrnar eða senda hana heim.

 

En áðurnefnd Facebókar-færsla Elliða Vignissonar fekk miklar undirtektir lesenda hans og margir þar búnir að fá sig fullsadda af hlutdrægni hinnar stríðöldu stofnunar Rúv.

Bretar á réttri leið með Boris Johnson

Þetta hittir í mark hjá Gunnari Rögnvaldssyni:

ESB heldur áfram að vera dulbúningur gamalla heimsvelda sem langar til að komast að á ný til að drottna yfir öðrum.

Þetta er það sem Boris Johnson þarf nú að glíma við, en ég treysti honum til verksins. Komi í ljós, að Brussel-klíkurnar taki engan eðlilegan samning í mál, ætlar hann samt að keyra á útgöngu Breta eftir 98 daga og hefur þá vonandi þingmeirihluta með sér. Ætli Evrópusambandið að þvælast endalaust fyrir og gera Bretum allt til miska í stað samninga og áframhalds vissra tollfríðinda o.fl. (Boris býður líka, að fólk af ESB/EES-svæðinu megi áfram búa og starfa á Bretlandi og vill auðvitað það sama um Breta á Spáni), þá verður það vitaskuld til að vekja megna óánægju brezku þjóðarinnar, og hann gæti þá t.d. átt kost á því að leggja Brexit aftur undir þjóðaratkvæði. En viðskiptasamningar, jafnvel fullt, gagnkvæmt tollfrelsi gagnvart Bandaríkjunum og fleiri ríkjum mun líka áorka miklu um að Bretar tapi ekki á aðskilnaðinum við ESB.

Tvennt er eftirtektarvert í nýjasta fréttaburði RÚV um Boris Johnson:

1) Þar er haldið áfram niðrun hans á ýmsa lund, og mjög áberandi og svæsið var það í málflutningi Samfylkingarkonunnar Sigrúnar Davíðsdóttur frá Lundúnum. Roskinn maður hringdi í mig um hádegið í dag, mjög hneykslaður á ófyrirleitni hennar og niðurrifs-áróðri gegn manninum, nýteknum við völdum.

2) Í frásögnum Rúv fær það alls ekki að heyrast,* sem Boris sagði um að nú myndu Bretar endurheimta fulla 200 mílna fiskveiðilögsögu sína -- lausir frá togara- og öðrum veiðum Spánverja og annarra ESB-þjóða! Þetta þykir líklega of viðkvæmt mál á ESB-hliðhollu Rúvinu í Efstaleiti, að heyrast fái, þegar einmitt stendur yfir massífur áróður "Viðreisnar" um ágæti þess að Íslendingar gangi í þetta Evrópusamband! Ég fekk þannig skilaboð á Facebók mína, með gyllingu Brussel-báknsins, en sendiboðanum, Guðbirni söngvara Guðbjörnssyni, er ágætlega svarað þannig:

Æi, Guðbjörn söngvísi, okkur vantar það nú sízt að láta innlimast í ólýðræðislegt og valdfrekt Evrópusambandið sem tæki frá okkur æðsta og ráðandi löggjafarvald. Og niður með alla þess óvelkomnu orkupakka!

Svo vil ég að endingu benda lesendum á mjög fróðlega grein um hið fjölskrúðuga ætterni Borisar Johnson, hann er í raun með langtum fjölmenningarlegri bakgrunn en allir þeir, sem útvarpa svartagallsrausi, fréttafalsi og affæringum Gróu á Efstaleiti. Grein mín sú (all-viðamikil ættfræðileg samantext) er hér: 

Boris Johnson er af ótrúlega blönduðu ætterni, af Breta- og Prússakóngum, há- og lágaðli, skáldi og prófessor, stofnanda KFUM, bjórbruggara, presti, Gyðingum, myrtum tyrkneskum ráðherra og ambáttinni móður hans! [þ.e. móður Tyrkjans]

__________________________________

* ... fremur en svo margt annað. M.a. var ekki sagt þar frá fjöldamorðum nýlega (Jón hrl. Magn ússon fjallar um það á Facebók sinni 22/7). Fólkinu voru settir afarkostir: Að afneita kristindómi, en þegar enginn fekkst til þess, voru menn, börn og konur leidd bak við kirkjuna, þar sem allir voru skotnir! Þetta er veruleikinn: Kristnir menn eru ofsóttasti trúarhópur heims, einkum í Mið-Austurlöndum og Afríku, en ekki þótti biskupi Íslands ástæða til að minnast þess á nýafstaðinni Skálholtshátíð! -- fremur vill hún "mærðarfullar ræður um frið og umburðarlyndi. En ekki var minnst á ofsóknir gegn Kristnum vítt og breitt um veröldina," eins og þessi fjöldamorð í Burkina Faso fyrir nokkrum dögum! En Agnes lét sig ekki muna um að brosa á báða bóga í moskuheimsókn hér.

„Bretland best í heimi“

LIVE : Boris Johnson makes first speech as new PM. Margar myndir o.fl. efni, jafnvel tengt hvalveiðum!

1. Boris Johnson is the new Prime Minister.
2. Protesters were bundled aside ... on his way to meet the Queen.
3. Theresa May has spoken for the last time as PM outside No 10.
4. Earlier, she took her last Prime Ministers Questions.
5. Philip Hammond has quit as Chancellor, the most high profile in a slew of resignations
6. Later, Mr Johnson will announce his most senior cabinet appointments
7. He defeated Jeremy Hunt in the Tory leadership contest by 92,153 votes to 46,656

The Guardian:

Boris Johnson´s first speech as prime minister: "No ifs, no buts - out on 31 October" – live news :

Play Video. Fólk á að geta valið hér (neðst t.h.) fulla skjámynd á YouTube. Ræðan sem Boris heldur utan við Downing-stræti 10 byrjar þegar tímamæling myndbandsins er um mínus 1,30.

 Boris Johnson delivers first speech as prime minister at 10 Downing Street - watch live

 (þessi mynd var á Timesonline).

 

Hér er fyrsta myndin af vinkonu (sambýliskonu) Borisar, Carrie Symonds, fyrir utan Downing-stræti 10 nú síðdegis (fyrir miðju, sbr. HÉR):

 

Hún er EKKI bandamaður íslenzkra hvalveiðisinna:

 

 

Góð frétt fyrir Íhaldsflokkinn (en ekki fyrir Nigel Farage):

Brexit Party voters return to Tory fold

Óskaði Johnson velfarnaðar

Flokkurinn með gula spjaldið er orðinn einn margra smáflokka; hans sígandi ólukka leikur hann grátt*

Ekki getur þríeykið í Valhöll (sízt for­mað­ur­inn dauf­dumbi** um orku­pakk­ann) fagn­að 19% fylgi. Útv.­Sögu-hlust­endur gefa Miðflokki 62,4%, XD aðeins 6,49%, 3X minna en Flokki fólksins (19,08%)!

XM og XF hafa þar 81,48% meiri­hluta­fylgi! En vitaskuld er lítt að marka skoðana­könnun meðal 524 hlustenda einnar útvarps­stöðvar, sem kannski í mesta lagi um þriðji hver maður hlustar á að jafnaði, það skal viðurkennt hér, auk þess sem fáar raddir á Útvarpi Sögu mæla Sjálf­stæðis­flokknum bót, eins og komið er fyrir honum. En straumurinn til Miðflokksins hefur verið nokkuð ljós í síðustu birtu skoðana­könnunum á landsvísu, og er það Elliða Vignissyni, bæjarstjóra Ölfuss, engin gleðifregn að flokkur hans fær greini­lega gula spjaldið hjá kjósendum á þessu sumri. En flokkurinn sem mest var skammaður fyrir "málþóf" (og það ranglega, því að SJS bar sökina) er hástökkvari skoðanakannana.

Af öðrum valkostum í þessari skoðanakönnun, sem stóð yfir frá því fyrir helgina og lauk á hádegi í dag, fékk "Annað" fjórða mesta fylgið, 5,34%, en Sósíalistaflokkur hins aflóga, fallít kapítalista Gunnars Smára Egilssonar*** fekk 2,29%, Samfylkingin 2,10%, Framsóknar­flokkur 1,34%, Píratar 0,94% (lítið traust á anarkistum) og tveir flokkar á botninum, báðir með 0,38%: Vinstri græn og "Viðreisn"! (enginn áhugi hlustenda á innlimun í Evrópu­sam­band­ið! --- og hafa fengið sig fullsadda á svikum VG við fátæka jafnt sem í orkupakka­málinu).

* Loksins smá-glæta í þættinum Frá degi til dags á leiðarasíðu Fréttabl. í dag: "Sagði Páll [Vilhjálmsson Moggabloggari] þá að „bernsk forysta XD geri Sjálf­stæðis­flokkinn að smáflokki á 90 ára afmælinu“. -- Þórdís Kolbrún R. Gylfadóttir, varaformaður Sjálf­stæðis­flokksins, hafði síðan á orði á dögunum að fleiri smáflokkar séu ekki svarið. Þeim smáu virðist þó fjölga nú, er MMR mælir Sjálfstæðisflokkinn í 19 prósentum."

** Ég er farinn að kalla Bjarna formann "daufdumban"! -- því að ekki vill hann úttala sig skýrt um hið stórvarasama orkupakkamál (lætur aðra um að tala) og virðist beinlínis heyrnarlaus á óskir og vilja þjóðar sinnar, jafnvel sinna eigin flokksfélaga! En flokkurinn endist ekki lengi með jafnvel 19% fylgi, ef formaðurinn er bæði mállaus og heyrnarlaus!

*** Fylgi Sósíalistaflokksins meðal hlustenda Útvarps Sögu má líklega skýra með því, að flokkurinn keypti sér fasta 2-3 tíma þætti tvo daga vikunnar á útvarpsstöðinni, allt síðan í vetur. Auk þess hlusta margir fátækir og lífeyrisþegar á stöðina, og ekki skal því neitað, að ýmsir viðmælendur Gunnars Smára eru frambærilegir í þjóðmála­umræðu (engu lakari en margir pólitíkusar), s.s. verkalýðsforingjarnir Vilhjálmur Birgisson, varaforseti ASÍ, Ragnar Þór í VR og Sólveig Anna (dóttir Jóns Múla), formaður Eflingar, auk Sunnu Magdalenu Mörtudóttur, borgarfulltrúa flokksins.

Gjá milli þingflokks og grasrótar

Afhjúpuð staðreynd 50% hækkunar næturrafmagns til bakara vegna 2. orkupakkans er áfall fyrir Björn Bjarnason

Vesalings Björn reynir hér að vera fyndinn um þetta mál með því að rifja upp gamalt orðtak, en snúa því svo gegn heiðarlegum bakarameistara sem andmælir SI.

Sjálfgefið er, að ef við höfnum 2. (og 1.) orkupakkanum, höfnum við líka þriðja orkupakkanum, áttar Björn sig ekki á því?

Og hvenær ætlar hann að koma með einhverja frambærilega ástæðu fyrir því, að við við höfum eitthvað upp úr því að samþykkja þriðja orkupakkann?!

Þessi vesalings maður mætti alveg hugleiða það alvarlega að taka sér frí frá allri pólitík, enda var hann settur í það (raunar af samflokksmanni sínum Guðlaugi Þór) að fjalla um álitamál fyrir ríkið, þar sem ríður á að gæta fullrar hlutlægni og halda sig frá allri flokkspólitískri hlutdrægni. Í því hlutverki, þ.e. að meta hugsanlegt fjárhagsgildi eða tap af EES-samningnum, er Björn á háum launum og ætti á meðan að sitja á strák sínum að hlaupa ekki í það að vera með einhverjar fyrirframmótaðar yfirlýsingar, áður en þriggja manna nefndin, sem hann er í, hefur í raun yfirfarið öll gögn um þau mál.

Æsingur meðal demókrata vegna ummæla Trumps skilar sér til trúgjarnra íslenzkra fjölmiðla

Ekki hefur verið neinn skortur á því, allt frá upp­hafi Trumps í Repúbl­ikana-flokkn­um, að hann fengi á sig gusurnar og harðvítuga gagnrýni frá demó­kröt­um. Á sama tíma voru Obama og Hill­ary að starta stríð­um í Líbýu og Sýr­landi, með hörmu­legum af­leið­ingum. Trump kemst ekki með tærnar þar sem þau höfðu hælana!

Jafnframt voru þau ábyrg fyrir morðum á milljónum ófæddra barna, sumra jafnvel allt fram að fæðingu, en Trump hefur skorið á alríkisstyrk til mestu fósturvígs­samtakanna, International Planned Parenthood, sem fengu 100 milljónir dollara árlega frá alríkinu (ríkissjóði USA) til fósturvígsstarfsemi um allan heim, jafnvel hér á Íslandi. Enn­frem­ur skipar hann enga fósturvígssinna í Hæstarétt Bandaríkjanna, þvert á móti. 

Trump er þannig virkur þátttakandi í þeirri þekkingarbylgju, sem orðin er að staðreynd fyrir hvern, sem sjá vill, þ.e. um hið undursamlega og fullkomlega virðingarverða líf hinna ófæddu í móðurkviði, andstætt ignorantisma fólks eins og nefndra demókrata, pírata eins og Þórhildar Sunnu og fr. Mogensen, Áslaugar Örnu, Guðlaugs Þórs og Framsóknarmannanna sem án undantekningar greiddu fóstur­vígs­frumvarpinu atkvæði (því róttækasta á öllum Norðurlöndunum, því næstróttækasta í V-Evrópu, ef ekki allri Evrópu).

Það var ekkert "kynþáttaníð" (orðalag rammhlutdrægra Rúvara!) fólgið í orðum Trumps um þessar 3-4 demókratakonur -- ekki eitt orð um kynþátt eða í þá átt, að eitt þjóðerni sé lakara en annað. Hann benti þeim bara á að reyna að vinna að löngu tímabærum umbótum í upprunalöndum sínum og gera ekki lítið úr því landi, sem þær höfðu kosið sér. Sjálfur skrifaði for­set­inn á Twitter í gær: "Þess­ar færsl­ur voru EKKI rasísk­ar. Það er ekki rasískt bein í lík­ama mín­um!" 

PS. Gleymum því ekki, að grófustu ásakanir demókrata á hendur Trump, um meint kosningafals hans og samvinnu um það við Rússa, reyndust tilbúningur einn og engum til svívirðu nema demókrötum sjálfum! Endalausum spunafréttum dembdi samt Fréttastofa Rúv yfir landsmenn mánuðum saman vegna þessara tilbúnings-ásakana!

PPS. Full­trúa­deild Banda­ríkjaþings, sem að meirihluta er skipuð demókrötum (ólíkt öldungadeildinni), hefur nú for­dæmt form­lega tíst Don­alds Trump Banda­ríkja­for­seta um þing­kon­urnar, með 240 at­kvæðum gegn 187. En þetta var svo sem fyrirsjáanlegt í einkastríði hinna tapsáru demókrata við Trump!

PPPS. Í frétt Mbl.is af málinu segir: "Í tíst­um sín­um seg­ir for­set­inn þing­kon­un­um fjór­um, Al­ex­andru Ocasio-Cortez, Ilh­an Omar, Rashidu Tlaib og Ay­anna Pressley, meðal ann­ars að fara aft­ur heim til sín." -- En í Twitter-færslum forsetans minnist hann ekki á nöfn neinna þessara kvenna, eins og hér sést, sem fylgimynd með Mbl.is-frétt í fyrradag, og jafnvel kemur fram í þeirri frétt Mbl.is (sbr. orðalagið þar: "Þing­kon­urn­ar fjór­ar, sem talið er að Trump eigi við í færsl­um sín­um ..." Leturbr. mín.)

PPPPS. Upplýsandi er það, sem Jón Magnússon, hrl. og fyrrv. þingmaður, ritaði á Facók sína í fyrradag 18.7.2019:

·

"Svo virðist sem fréttastofur óvinveittar Trump þ.á.m. RÚV hafi gætt þess vel að sleppa seinni hluta setningarinnar úr ummælum hans sem hafa verið fordæmd sem rasísk. Miklu skiptir að skoða ummælin í heild.

Ummælin eru þessi

"Democrat Congresswomen" should go back and fix the "corrupt" and "crime infested places" from which they came and then "come back and show us how it´s done." (Þingkonur Demókrata ættu að fara til baka og laga til í þeim löndum sem þær komu frá og eru gjörspillt og mikið um glæpi og koma síðan til baka og sýna okkur hvernig það er gert.)

 

Ekki er verið að vísa neinum úr landi eins og látið var í veðri vaka. Ekki er vikið að kynþætti. Þær þingkonur sem ummælunum var beint til hafa heldur betur andskotast út í bandarískt þjóðfélag og fundið því flest til foráttu. Eru þetta óeðlileg ummæli í pólitískri umræðu?"

Bandaríkjaþing fordæmir ummæli Trump

Skopmyndin í Mogganum er sönn, Björn!

Paþetísk eru þráhyggjuskrif Björns Bjarnasonar orðin um 3. orku­pakk­ann, afneit­unin á fullu. Tilgangur Op#3 er viðskipti með raforku milli landa og hlutverk ACER þar ótvírætt og ráðandi, framar bæði Orku­stofn­un, Lands­virkjun og ríkis­stjórn okkar! Ákvæði Orkupakkans gera fyrirtækjum á ESB-EES-svæðinu kleift að fara í lögsókn og afar háar skaðabótakröfur, verði ekki látið undan kröfum þeirra um aðgang að íslenzkri raforku.

Vaknaðu, Björn!

Líf hælisleitenda-barna er í huga Katrínar Jakobsdóttur dýrmætara en líf barna í íslenzkum móðurkviði

Vitaskuld tókst Katrínu (sem gefur ófæddum börnum engan rétt allt fram að fæðingu!) að gefa út undanlátssama yfirlýsingu um þetta mál barna hælisleitenda, með því að setja þetta í þann farveg, að þau og meintar óskir þeirra verði gerð að helzta viðmiði stjórnvalda, eins og hér kemur fram í Mbl.is-frétt.

Katrín sú er farin að minna mann á orð Bjarna skálds Thorarensen: "Íslands óhamingju verður allt að vopni". Þvílík vangæfa hefur nú þegar hlotizt af því á marga lund, að Sjálfstæðisflokkurinn lagðist í eitt flet með þessum Vinstri græningjum!

Taka mál flóttabarna fyrir á þriðjudag